กุสลัตติกกิเลสสังกิเลสิกทุกะ

[๗๕๓] อกุสลํ กิเลสญฺเจวสงฺกิเลสิกญฺจ ธมฺมํ ปฏิจฺจ อกุสโล กิเลโสเจวสงฺกิเลสิโก จ ธมฺโม อุปฺปชฺชติ เหตุปจฺจยา: ฯ

[๗๕๔] เหตุยา เอกํ อวิคเต เอกํ ฯ สหชาตวาเรปิ ปญฺหาวาเรปิ สพฺพตฺถ เอกํ ฯ

[๗๕๕] กุสลํ สงฺกิเลสิกญฺเจวโนจกิเลสํ ธมฺมํ ปฏิจฺจ กุสโล สงฺกิเลสิโกเจวโนจกิเลโส ธมฺโม อุปฺปชฺชติ เหตุปจฺจยา: ตีณิ ฯ อกุสลํ สงฺกิเลสิกญฺเจวโนจกิเลสํ ธมฺมํ ปฏิจฺจ อกุสโล สงฺกิเลสิโกเจวโนจกิเลโส ธมฺโม อุปฺปชฺชติ เหตุปจฺจยา: ตีณิ ฯ อพฺยากตํ สงฺกิเลสิกญฺเจวโนจกิเลสํ ธมฺมํ ปฏิจฺจ อพฺยากโต สงฺกิเลสิโกเจวโนจกิเลโส ธมฺโม อุปฺปชฺชติ เหตุปจฺจยา: ฯ กุสลํ สงฺกิเลสิกญฺเจวโนจกิเลสญฺจ อพฺยากตํ สงฺกิเลสิกญฺเจวโนจกิเลสญฺจ ธมฺมํ ปฏิจฺจ อพฺยากโต สงฺกิเลสิโกเจวโนจกิเลโส ธมฺโม อุปฺปชฺชติ เหตุปจฺจยา: ฯ อกุสลํ สงฺกิเลสิกญฺเจวโนจกิเลสญฺจ อพฺยากตํ สงฺกิเลสิกญฺเจวโนจกิเลสญฺจ ธมฺมํ ปฏิจฺจ อพฺยากโต สงฺกิเลสิโกเจวโนจกิเลโส ธมฺโม อุปฺปชฺชติ เหตุปจฺจยา: ฯ

[๗๕๖] เหตุยา นว อารมฺมเณ ตีณิ อวิคเต นว ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

[๗๕๗] กุสโล สงฺกิเลสิโกเจวโนจกิเลโส ธมฺโม กุสลสฺส สงฺกิเลสิกสฺสเจวโนจกิเลสสฺส ธมฺมสฺส เหตุปจฺจเยน ปจฺจโย: ตีณิ ฯ อพฺยากโต สงฺกิเลสิโกเจวโนจกิเลโส ธมฺโม อพฺยากตสฺส สงฺกิเลสิกสฺสเจวโนจกิเลสสฺส ธมฺมสฺส เหตุปจฺจเยน ปจฺจโย: ฯ

[๗๕๘] เหตุยา จตฺตาริ อารมฺมเณ นว อธิปติยา นว อวิคเต เตรส ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ กุสลตฺติกกิเลสสงฺกิเลสิกทุกํ นิฏฺฐิตํ ฯ ______________ กุสลตฺติกกิเลสสงฺกิลิฏฺฐทุกํ