กุสลัตติกกิเลสวิปปยุตตสังกิเลสิกทุกะ

[๗๖๗] กุสลํ กิเลสวิปฺปยุตฺตํ สงฺกิเลสิกํ ธมฺมํ ปฏิจฺจ กุสโล กิเลสวิปฺปยุตฺโต สงฺกิเลสิโก ธมฺโม อุปฺปชฺชติ เหตุปจฺจยา: กุสลํ กิเลสวิปฺปยุตฺตํ สงฺกิเลสิกํ ธมฺมํ ปฏิจฺจ อพฺยากโต กิเลสวิปฺปยุตฺโต สงฺกิเลสิโก ธมฺโม อุปฺปชฺชติ เหตุปจฺจยา: กุสลํ กิเลสวิปฺปยุตฺตํ สงฺกิเลสิกํ ธมฺมํ ปฏิจฺจ กุสโล กิเลสวิปฺปยุตฺโต สงฺกิเลสิโก จ อพฺยากโต กิเลสวิปฺปยุตฺโต สงฺกิเลสิโก จ ธมฺมา อุปฺปชฺชนฺติ เหตุปจฺจยา: ฯ อพฺยากตํ กิเลสวิปฺปยุตฺตํ สงฺกิเลสิกํ ธมฺมํ ปฏิจฺจ อพฺยากโต กิเลสวิปฺปยุตฺโต สงฺกิเลสิโก ธมฺโม อุปฺปชฺชติ เหตุปจฺจยา: ฯ กุสลํ กิเลสวิปฺปยุตฺตํ สงฺกิเลสิกญฺจ อพฺยากตํ กิเลสวิปฺปยุตฺตํ สงฺกิเลสิกญฺจ ธมฺมํ ปฏิจฺจ อพฺยากโต กิเลสวิปฺปยุตฺโต สงฺกิเลสิโก ธมฺโม อุปฺปชฺชติ เหตุปจฺจยา: ฯ

[๗๖๘] เหตุยา ปญฺจ อารมฺมเณ เทฺว อวิคเต ปญฺจ ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

[๗๖๙] กุสโล กิเลสวิปฺปยุตฺโต สงฺกิเลสิโก ธมฺโม กุสลสฺส กิเลสวิปฺปยุตฺตสฺส สงฺกิเลสิกสฺส ธมฺมสฺส เหตุปจฺจเยน ปจฺจโย: ตีณิ ฯ อพฺยากโต กิเลสวิปฺปยุตฺโต สงฺกิเลสิโก ธมฺโม อพฺยากตสฺส กิเลสวิปฺปยุตฺตสฺส สงฺกิเลสิกสฺส ธมฺมสฺส เหตุปจฺจเยน ปจฺจโย: ฯ

[๗๗๐] เหตุยา จตฺตาริ อารมฺมเณ จตฺตาริ อธิปติยา จตฺตาริ อวิคเต สตฺต ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ

[๗๗๑] กุสลํ กิเลสวิปฺปยุตฺตํ อสงฺกิเลสิกํ ธมฺมํ ปฏิจฺจ กุสโล กิเลสวิปฺปยุตฺโต อสงฺกิเลสิโก ธมฺโม อุปฺปชฺชติ เหตุปจฺจยา: ฯ อพฺยากตํ กิเลสวิปฺปยุตฺตํ อสงฺกิเลสิกํ ธมฺมํ ปฏิจฺจ อพฺยากโต กิเลสวิปฺปยุตฺโต อสงฺกิเลสิโก ธมฺโม อุปฺปชฺชติ เหตุปจฺจยา: ฯ

[๗๗๒] เหตุยา เทฺว อวิคเต เทฺว ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

[๗๗๓] กุสโล กิเลสวิปฺปยุตฺโต อสงฺกิเลสิโก ธมฺโม กุสลสฺส กิเลสวิปฺปยุตฺตสฺส อสงฺกิเลสิกสฺส ธมฺมสฺส เหตุปจฺจเยน ปจฺจโย: ฯ อพฺยากโต กิเลสวิปฺปยุตฺโต อสงฺกิเลสิโก ธมฺโม อพฺยากตสฺส กิเลสวิปฺปยุตฺตสฺส อสงฺกิเลสิกสฺส ธมฺมสฺส เหตุปจฺจเยน ปจฺจโย: ฯ

[๗๗๔] เหตุยา เทฺว อารมฺมเณ เทฺว อธิปติยา ตีณิ อนนฺตเร เทฺว อุปนิสฺสเย จตฺตาริ อวิคเต เทฺว ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ กุสลตฺติกกิเลสวิปฺปยุตฺตสงฺกิเลสิกทุกํ นิฏฺฐิตํ ฯ __________ กุสลตฺติกทสฺสเนนปหาตพฺพทุกํ