กุสลัตติกสวิตักกทุกะ

กุสลํ สวิตกฺกํ ธมฺมํ ปฏิจฺจ กุสโล สวิตกฺโก ธมฺโม อุปฺปชฺชติ เหตุปจฺจยา: ฯ อกุสลํ สวิตกฺกํ ธมฺมํ ปฏิจฺจ อกุสโล สวิตกฺโก ธมฺโม อุปฺปชฺชติ เหตุปจฺจยา: ฯ อพฺยากตํ สวิตกฺกํ ธมฺมํ ปฏิจฺจ อพฺยากโต สวิตกฺโก ธมฺโม อุปฺปชฺชติ เหตุปจฺจยา: ฯ

เหตุยา ตีณิ อารมฺมเณ ตีณิ อวิคเต ตีณิ ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

กุสโล สวิตกฺโก ธมฺโม กุสลสฺส สวิตกฺกสฺส ธมฺมสฺส เหตุปจฺจเยน ปจฺจโย: ฯ อกุสโล สวิตกฺโก ธมฺโม อกุสลสฺส สวิตกฺกสฺส ธมฺมสฺส เหตุปจฺจเยน ปจฺจโย: ฯ อพฺยากโต สวิตกฺโก ธมฺโม อพฺยากตสฺส สวิตกฺกสฺส ธมฺมสฺส เหตุปจฺจเยน^ ปจฺจโย: ฯ

กุสโล สวิตกฺโก ธมฺโม กุสลสฺส สวิตกฺกสฺส ธมฺมสฺส อารมฺมณปจฺจเยน ปจฺจโย: ตีณิ ฯ อกุสโล สวิตกฺโก ธมฺโม อกุสลสฺส สวิตกฺกสฺส ธมฺมสฺส อารมฺมณปจฺจเยน ปจฺจโย: ตีณิ ฯ อพฺยากโต สวิตกฺโก ธมฺโม อพฺยากตสฺส สวิตกฺกสฺส ธมฺมสฺส อารมฺมณปจฺจเยน ปจฺจโย: ตีณิ ฯ

เหตุยา ตีณิ อารมฺมเณ นว อธิปติยา สตฺต อวิคเต ตีณิ ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ

กุสลํ อวิตกฺกํ ธมฺมํ ปฏิจฺจ กุสโล อวิตกฺโก ธมฺโม อุปฺปชฺชติ เหตุปจฺจยา: ฯ

เหตุยา สตฺต อารมฺมเณ เทฺว อวิคเต สตฺต ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

กุสโล อวิตกฺโก ธมฺโม กุสลสฺส อวิตกฺกสฺส ธมฺมสฺส เหตุปจฺจเยน ปจฺจโย: ตีณิ ฯ อพฺยากโต อวิตกฺโก ธมฺโม อพฺยากตสฺส อวิตกฺกสฺส ธมฺมสฺส เหตุปจฺจเยน ปจฺจโย: ฯ

เหตุยา จตฺตาริ อารมฺมเณ นว อวิคเต เตรส ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ กุสลตฺติกสวิตกฺกทุกํ นิฏฺฐิตํ ฯ __________ กุสลตฺติกสวิจารทุกํ