กุสลัตติกรูปาวจรทุกะ

[๘๒๑] กุสลํ รูปาวจรํ ธมฺมํ ปฏิจฺจ กุสโล รูปาวจโร ธมฺโม อุปฺปชฺชติ เหตุปจฺจยา: ฯ อพฺยากตํ รูปาวจรํ ธมฺมํ ปฏิจฺจ อพฺยากโต รูปาวจโร ธมฺโม อุปฺปชฺชติ เหตุปจฺจยา: ฯ

[๘๒๒] เหตุยา เทฺว อวิคเต เทฺว ฯ สหชาตวาโรปิ ปญฺหาวาโรปิ เอวํ วิตฺถาเรตพฺพา ฯ

[๘๒๓] กุสลํ นรูปาวจรํ ธมฺมํ ปฏิจฺจ กุสโล นรูปาวจโร ธมฺโม อุปฺปชฺชติ เหตุปจฺจยา: ตีณิ ฯ อกุสลํ นรูปาวจรํ ธมฺมํ ปฏิจฺจ อกุสโล นรูปาวจโร ธมฺโม อุปฺปชฺชติ เหตุปจฺจยา: ตีณิ ฯ อพฺยากตํ นรูปาวจรํ ธมฺมํ ปฏิจฺจ อพฺยากโต นรูปาวจโร ธมฺโม อุปฺปชฺชติ เหตุปจฺจยา: ฯ กุสลํ นรูปาวจรญฺจ อพฺยากตํ นรูปาวจรญฺจ ธมฺมํ ปฏิจฺจ อพฺยากโต นรูปาวจโร ธมฺโม อุปฺปชฺชติ เหตุปจฺจยา: ฯ อกุสลํ นรูปาวจรญฺจ อพฺยากตํ นรูปาวจรญฺจ ธมฺมํ ปฏิจฺจ อพฺยากโต นรูปาวจโร ธมฺโม อุปฺปชฺชติ เหตุปจฺจยา: ฯ

[๘๒๔] เหตุยา นว อารมฺมเณ ตีณิ อวิคเต นว ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

[๘๒๕] กุสโล นรูปาวจโร ธมฺโม กุสลสฺส นรูปาวจรสฺส ธมฺมสฺส เหตุปจฺจเยน ปจฺจโย: ตีณิ ฯ อกุสโล นรูปาวจโร ธมฺโม อกุสลสฺส นรูปาวจรสฺส ธมฺมสฺส เหตปจฺจเยน ปจฺจโย: ตีณิ ฯ อพฺยากโต นรูปาวจโร ธมฺโม อพฺยากตสฺส นรูปาวจรสฺส ธมฺมสฺส เหตุปจฺจเยน ปจฺจโย: ฯ

[๘๒๖] เหตุยา สตฺต อารมฺมเณ นว อวิคเต เตรส ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ กุสลตฺติกรูปาวจรทุกํ นิฏฺฐิตํ ฯ __________ กุสลตฺติกอรูปาวจรทุกํ