กุสลัตติกเวทนาตติกะ

กุสลํ สุขายเวทนายสมฺปยุตฺตํ ธมฺมํ ปฏิจฺจ กุสโล สุขายเวทนายสมฺปยุตฺโต ธมฺโม อุปฺปชฺชติ เหตุปจฺจยา: ฯ อกุสลํ สุขายเวทนายสมฺปยุตฺตํ ธมฺมํ ปฏิจฺจ อกุสโล สุขายเวทนายสมฺปยุตฺโต ธมฺโม อุปฺปชฺชติ เหตุปจฺจยา: ฯ อพฺยากตํ สุขายเวทนายสมฺปยุตฺตํ ธมฺมํ ปฏิจฺจ อพฺยากโต สุขายเวทนายสมฺปยุตฺโต ธมฺโม อุปฺปชฺชติ เหตุปจฺจยา: ฯ

เหตุยา ตีณิ อารมฺมเณ ตีณิ อวิคเต ตีณิ ฯ สหชาตวารมฺปิ สมฺปยุตฺตวารมฺปิ ปฏิจฺจวารสทิสํ ฯ

กุสโล สุขายเวทนายสมฺปยุตฺโต ธมฺโม กุสลสฺส สุขายเวทนายสมฺปยุตฺตสฺส ธมฺมสฺส เหตุปจฺจเยน ปจฺจโย: ฯ อกุสโล สุขายเวทนายสมฺปยุตฺโต ธมฺโม อกุสลสฺส สุขายเวทนายสมฺปยุตฺตสฺส ธมฺมสฺส เหตุปจฺจเยน ปจฺจโย: ฯ อพฺยากโต #๑ อิโต ปรํ เขมจาริตฺเถเรน ธมฺมติโลกาจริเยน ปฐมวาเร โสธิตํ ฯ สุขายเวทนายสมฺปยุตฺโต ธมฺโม อพฺยากตสฺส สุขายเวทนายสมฺปยุตฺตสฺส ธมฺมสฺส เหตุปจฺจเยน ปจฺจโย: ฯ

กุสโล สุขายเวทนายสมฺปยุตฺโต ธมฺโม กุสลสฺส สุขายเวทนายสมฺปยุตฺตสฺส ธมฺมสฺส อารมฺมณปจฺจเยน ปจฺจโย: ฯ

เหตุยา ตีณิ อารมฺมเณ นว ฯ ยถา กุสลตฺติเก ปญฺหาวารํ เอวํ วิตฺถาเรตพฺพํ ฯ

อกุสลํ ทุกฺขายเวทนายสมฺปยุตฺตํ ธมฺมํ ปฏิจฺจ อกุสโล ทุกฺขายเวทนายสมฺปยุตฺโต ธมฺโม อุปฺปชฺชติ เหตุปจฺจยา: ฯ

อกุสลํ ทุกฺขายเวทนายสมฺปยุตฺตํ ธมฺมํ ปฏิจฺจ อกุสโล ทุกฺขายเวทนายสมฺปยุตฺโต ธมฺโม อุปฺปชฺชติ อารมฺมณปจฺจยา: ฯ อพฺยากตํ ทุกฺขายเวทนายสมฺปยุตฺตํ ธมฺมํ ปฏิจฺจ อพฺยากโต ทุกฺขายเวทนายสมฺปยุตฺโต ธมฺโม อุปฺปชฺชติ อารมฺมณปจฺจยา: ฯ

เหตุยา เอกํ อารมฺมเณ เทฺว อวิคเต เทฺว ฯ สหชาตวารมฺปิ สมฺปยุตฺตวารมฺปิ ปฏิจฺจวารสทิสํ ฯ

อกุสโล ทุกฺขายเวทนายสมฺปยุตฺโต ธมฺโม อกุสลสฺส ทุกฺขายเวทนายสมฺปยุตฺตสฺส ธมฺมสฺส เหตุปจฺจเยน ปจฺจโย: ฯ

อกุสโล ทุกฺขายเวทนายสมฺปยุตฺโต ธมฺโม อกุสลสฺส ทุกฺขายเวทนายสมฺปยุตฺตสฺส ธมฺมสฺส อารมฺมณปจฺจเยน ปจฺจโย: ฯ อพฺยากโต ทุกฺขายเวทนายสมฺปยุตฺโต ธมฺโม อกุสลสฺส ทุกฺขายเวทนายสมฺปยุตฺตสฺส ธมฺมสฺส อารมฺมณปจฺจเยน ปจฺจโย: ฯ

เหตุยา เอกํ อารมฺมเณ เทฺว ฯ ยถา กุสลตฺติเก ปญฺหาวารํ เอวํ วิตฺถาเรตพฺพํ ฯ

กุสลํ อทุกฺขมสุขายเวทนายสมฺปยุตฺตํ ธมฺมํ ปฏิจฺจ กุสโล อทุกฺขมสุขายเวทนายสมฺปยุตฺโต ธมฺโม อุปฺปชฺชติ เหตุปจฺจยา: ฯ อกุสลํ อทุกฺขมสุขายเวทนายสมฺปยุตฺตํ ธมฺมํ ปฏิจฺจ อกุสโล อทุกฺขมสุขายเวทนายสมฺปยุตฺโต ธมฺโม อุปฺปชฺชติ เหตุปจฺจยา: ฯ อพฺยากตํ อทุกฺขมสุขายเวทนายสมฺปยุตฺตํ ธมฺมํ ปฏิจฺจ อพฺยากโต อทุกฺขมสุขายเวทนายสมฺปยุตฺโต ธมฺโม อุปฺปชฺชติ เหตุปจฺจยา: ฯ

เหตุยา ตีณิ อารมฺมเณ ตีณิ อวิคเต ตีณิ ฯ สหชาตวารมฺปิ สมฺปยุตฺตวารมฺปิ ปฏิจฺจวารสทิสํ ฯ

กุสโล อทุกฺขมสุขายเวทนายสมฺปยุตฺโต ธมฺโม กุสลสฺส อทุกฺขมสุขายเวทนายสมฺปยุตฺตสฺส ธมฺมสฺส เหตุปจฺจเยน ปจฺจโย: ฯ อกุสโล อทุกฺขมสุขายเวทนายสมฺปยุตฺโต ธมฺโม อกุสลสฺส อทุกฺขมสุขายเวทนายสมฺปยุตฺตสฺส ธมฺมสฺส เหตุปจฺจเยน ปจฺจโย: ฯ อพฺยากโต อทุกฺขมสุขายเวทนายสมฺปยุตฺโต ธมฺโม อพฺยากตสฺส อทุกฺขมสุขายเวทนายสมฺปยุตฺตสฺส ธมฺมสฺส เหตุปจฺจเยน ปจฺจโย: ฯ

เหตุยา ตีณิ อารมฺมเณ นว อธิปติยา สตฺต อนนฺตเร สตฺต อุปนิสฺสเย นว อวิคเต ตีณิ ฯ ยถา กุสลตฺติเก ปญฺหาวารํ เอวํ วิตฺถาเรตพฺพํ ฯ กุสลตฺติกเวทนาตฺติกํ นิฏฺฐิตํ ฯ ________________________ กุสลตฺติกวิปากตฺติกํ