กุสลัตติกวิปากัตติกะ

[๑๖] อพฺยากตํ วิปากํ ธมฺมํ ปฏิจฺจ อพฺยากโต วิปาโก ธมฺโม อุปฺปชฺชติ เหตุปจฺจยา: ฯ

[๑๗] เหตุยา เอกํ อารมฺมเณ เอกํ อวิคเต เอกํ ฯ สหชาตวาเรปิ ปญฺหาวาเรปิ สพฺพตฺถ เอกํ ฯ

[๑๘] กุสลํ วิปากธมฺมธมฺมํ ปฏิจฺจ กุสโล วิปากธมฺมธมฺโม อุปฺปชฺชติ เหตุปจฺจยา: ฯ อกุสลํ วิปากธมฺมธมฺมํ ปฏิจฺจ อกุสโล วิปากธมฺมธมฺโม อุปฺปชฺชติ เหตุปจฺจยา: ฯ

[๑๙] เหตุยา เทฺว อารมฺมเณ เทฺว อวิคเต เทฺว ฯ สหชาตวารมฺปิ สมฺปยุตฺตวารมฺปิ ปฏิจฺจวารสทิสํ ฯ

[๒๐] กุสโล วิปากธมฺมธมฺโม กุสลสฺส วิปากธมฺมธมฺมสฺส เหตุปจฺจเยน ปจฺจโย: ฯ อกุสโล วิปากธมฺมธมฺโม อกุสลสฺส วิปากธมฺมธมฺมสฺส เหตุปจฺจเยน ปจฺจโย: ฯ

[๒๑] กุสโล วิปากธมฺมธมฺโม กุสลสฺส วิปากธมฺมธมฺมสฺส อารมฺมณปจฺจเยน ปจฺจโย: กุสโล วิปากธมฺมธมฺโม อกุสลสฺส วิปากธมฺมธมฺมสฺส อารมฺมณปจฺจเยน ปจฺจโย: ฯ อกุสโล วิปากธมฺมธมฺโม อกุสลสฺส วิปากธมฺมธมฺมสฺส อารมฺมณปจฺจเยน ปจฺจโย: อกุสโล วิปากธมฺมธมฺโม กุสลสฺส วิปากธมฺมธมฺมสฺส อารมฺมณปจฺจเยน ปจฺจโย: ฯ

[๒๒] เหตุยา เทฺว อารมฺมเณ จตฺตาริ อธิปติยา ตีณิ อนนฺตเร เทฺว สหชาเต เทฺว อุปนิสฺสเย จตฺตาริ อวิคเต เทฺว ฯ ยถา กุสลตฺติเก ปญฺหาวารํ เอวํ วิตฺถาเรตพฺพํ ฯ

[๒๓] อพฺยากตํ เนววิปากนวิปากธมฺมธมฺมํ ปฏิจฺจ อพฺยากโต เนววิปากนวิปากธมฺมธมฺโม อุปฺปชฺชติ เหตุปจฺจยา: ฯ

[๒๔] เหตุยา เอกํ อารมฺมเณ เอกํ อวิคเต เอกํ ฯ สหชาตวาเรปิ ปญฺหาวาเรปิ สพฺพตฺถ เอกํ ฯ กุสลตฺติกวิปากตฺติกํ นิฏฺฐิตํ ฯ ________________________ กุสลตฺติกอุปาทินฺนตฺติกํ