กุสลัตติกอตีตารัมมณัตติกะ

Kusalaṃ atītārammaṇaṃ dhammaṃ paṭicca kusalo atītārammaṇo dhammo uppajjati hetupaccayā: . akusalaṃ atītārammaṇaṃ dhammaṃ paṭicca akusalo atītārammaṇo dhammo uppajjati hetupaccayā: . Abyākataṃ atītārammaṇaṃ dhammaṃ paṭicca abyākato atītārammaṇo dhammo uppajjati hetupaccayā:.

Hetuyā tīṇi avigate tīṇi. Sahajātavārampi sampayuttavārampi paṭiccavārasadisaṃ.

Kusalo atītārammaṇo dhammo kusalassa atītārammaṇassa Dhammassa hetupaccayena paccayo: . akusalo atītārammaṇo dhammo akusalassa atītārammaṇassa dhammassa hetupaccayena paccayo: . Abyākato atītārammaṇo dhammo abyākatassa atītārammaṇassa dhammassa hetupaccayena paccayo:.

Hetuyā tīṇi ārammaṇe nava avigate tīṇi. Yathā kusalattike pañhāvāraṃ evaṃ vitthāretabbaṃ.

Kusalaṃ anāgatārammaṇaṃ dhammaṃ paṭicca kusalo anāgatārammaṇo dhammo uppajjati hetupaccayā:.

Hetuyā tīṇi ārammaṇe tīṇi avigate tīṇi. Sahajātavārampi sampayuttavārampi paṭiccavārasadisaṃ.

Kusalo anāgatārammaṇo dhammo kusalassa anāgatārammaṇassa dhammassa hetupaccayena paccayo:.

Hetuyā tīṇi ārammaṇe tīṇi avigate tīṇi. Yathā kusalattike pañhāvāraṃ evaṃ vitthāretabbaṃ.

Kusalaṃ paccuppannārammaṇaṃ dhammaṃ paṭicca kusalo paccuppannārammaṇo dhammo uppajjati hetupaccayā:.

Hetuyā tīṇi ārammaṇe tīṇi avigate tīṇi. Sahajātavārampi sampayuttavārampi paṭiccavārasadisaṃ.

Kusalo paccuppannārammaṇo dhammo kusalassa paccuppannārammaṇassa dhammassa hetupaccayena paccayo: . akusalo Paccuppannārammaṇo dhammo akusalassa paccuppannārammaṇassa dhammassa hetupaccayena paccayo: . abyākato paccuppannārammaṇo dhammo abyākatassa paccuppannārammaṇassa dhammassa hetupaccayena paccayo:.

Hetuyā tīṇi ārammaṇe cha avigate tīṇi. Yathā kusalattike pañhāvāraṃ evaṃ vitthāretabbaṃ. Kusalattikaatītārammaṇattikaṃ niṭṭhitaṃ. ---------