เวทนาตติกกุสลัตติกะ

สุขายเวทนายสมฺปยุตฺตํ กุสลํ ธมฺมํ ปฏิจฺจ สุขายเวทนายสมฺปยุตฺโต กุสโล ธมฺโม อุปฺปชฺชติ เหตุปจฺจยา: ฯ อทุกฺขมสุขายเวทนายสมฺปยุตฺตํ กุสลํ ธมฺมํ ปฏิจฺจ อทุกฺขมสุขาย- เวทนายสมฺปยุตฺโต กุสโล ธมฺโม อุปฺปชฺชติ เหตุปจฺจยา: ฯ

เหตุยา เทฺว อวิคเต เทฺว ฯ สหชาตวารมฺปิ สมฺปยุตฺตวารมฺปิ ปฏิจฺจวารสทิสํ ฯ

สุขายเวทนายสมฺปยุตฺโต กุสโล ธมฺโม สุขายเวทนาย- สมฺปยุตฺตสฺส กุสลสฺส ธมฺมสฺส เหตุปจฺจเยน ปจฺจโย: ฯ อทุกฺขมสุขายเวทนายสมฺปยุตฺโต กุสโล ธมฺโม อทุกฺขมสุขายเวทนาย- สมฺปยุตฺตสฺส กุสลสฺส ธมฺมสฺส เหตุปจฺจเยน ปจฺจโย: ฯ

เหตุยา เทฺว อวิคเต เทฺว ฯ สพฺพตฺถ วิตฺถาโร ฯ

สุขายเวทนายสมฺปยุตฺตํ อกุสลํ ธมฺมํ ปฏิจฺจ สุขายเวทนายสมฺปยุตฺโต อกุสโล ธมฺโม อุปฺปชฺชติ เหตุปจฺจยา: ฯ ทุกฺขายเวทนายสมฺปยุตฺตํ อกุสลํ ธมฺมํ ปฏิจฺจ ทุกฺขายเวทนายสมฺปยุตฺโต อกุสโล ธมฺโม อุปฺปชฺชติ เหตุปจฺจยา: ฯ อทุกฺขมสุขายเวทนายสมฺปยุตฺตํ อกุสลํ ธมฺมํ ปฏิจฺจ อทุกฺขมสุขายเวทนายสมฺปยุตฺโต อกุสโล ธมฺโม อุปฺปชฺชติ เหตุปจฺจยา: ฯ

เหตุยา ตีณิ อวิคเต ตีณิ ฯ สพฺพตฺถ วิตฺถาโร ฯ

สุขายเวทนายสมฺปยุตฺตํ อพฺยากตํ ธมฺมํ ปฏิจฺจ สุขายเวทนายสมฺปยุตฺโต อพฺยากโต ธมฺโม อุปฺปชฺชติ เหตุปจฺจยา: ฯ อทุกฺขมสุขายเวทนายสมฺปยุตฺตํ อพฺยากตํ ธมฺมํ ปฏิจฺจ อทุกฺขมสุขายเวทนายสมฺปยุตฺโต อพฺยากโต ธมฺโม อุปฺปชฺชติ เหตุปจฺจยา: ฯ

เหตุยา เทฺว อวิคเต ตีณิ ฯ เวทนาตฺติกกุสลตฺติกํ นิฏฺฐิตํ ฯ _______________ วิปากตฺติกกุสลตฺติกํ