เหตุทุกสเหตุกทุกะ

[๑] เหตุํ สเหตุกํ ธมฺมํ ปฏิจฺจ เหตุ สเหตุโก ธมฺโม อุปฺปชฺชติ เหตุปจฺจยา: เหตุํ สเหตุกํ ธมฺมํ ปฏิจฺจ นเหตุ สเหตุโก ธมฺโม อุปฺปชฺชติ เหตุปจฺจยา: เหตุํ สเหตุกํ ธมฺมํ ปฏิจฺจ เหตุ สเหตุโก จ นเหตุ สเหตุโก จ ธมฺมา อุปฺปชฺชนฺติ เหตุปจฺจยา: ฯ นเหตุํ สเหตุกํ ธมฺมํ ปฏิจฺจ นเหตุ สเหตุโก ธมฺโม อุปฺปชฺชติ เหตุปจฺจยา: นเหตุํ สเหตุกํ ธมฺมํ ปฏิจฺจ เหตุ สเหตุโก ธมฺโม อุปฺปชฺชติ เหตุปจฺจยา: นเหตุํ สเหตุกํ ธมฺมํ ปฏิจฺจ เหตุ สเหตุโก จ นเหตุ สเหตุโก จ ธมฺมา อุปฺปชฺชนฺติ เหตุปจฺจยา: ฯ เหตุํ สเหตุกญฺจ นเหตุํ สเหตุกญฺจ ธมฺมํ ปฏิจฺจ เหตุ สเหตุโก ธมฺโม อุปฺปชฺชติ เหตุปจฺจยา: เหตุํ สเหตุกญฺจ นเหตุํ สเหตุกญฺจ ธมฺมํ ปฏิจฺจ นเหตุ สเหตุโก ธมฺโม อุปฺปชฺชติ เหตุปจฺจยา: เหตุํ สเหตุกญฺจ นเหตุํ สเหตุกญฺจ ธมฺมํ ปฏิจฺจ เหตุ สเหตุโก จ นเหตุ สเหตุโก จ ธมฺมา อุปฺปชฺชนฺติ เหตุปจฺจยา: ฯ

[๒] เหตุยา นว อารมฺมเณ นว อวิคเต นว ฯ

[๓] เหตุํ สเหตุกํ ธมฺมํ ปฏิจฺจ เหตุ สเหตุโก ธมฺโม อุปฺปชฺชติ นอธิปติปจฺจยา: ฯ

[๔] นอธิปติยา นว นปุเรชาเต นว นปจฺฉาชาเต นว นวิปฺปยุตฺเต นว ฯ

[๕] เหตุปจฺจยา นอธิปติยา นว ฯ

[๖] นอธิปติปจฺจยา เหตุยา นว ฯ สหชาตวารมฺปิ ปจฺจยวารมฺปิ นิสฺสยวารมฺปิ สํสฏฺฐวารมฺปิ สมฺปยุตฺตวารมฺปิ ปฏิจฺจวารสทิสํ ฯ

[๗] เหตุ สเหตุโก ธมฺโม เหตุสฺส สเหตุกสฺส ธมฺมสฺส เหตุปจฺจเยน ปจฺจโย: เหตุ สเหตุโก ธมฺโม นเหตุสฺส สเหตุกสฺส ธมฺมสฺส เหตุปจฺจเยน ปจฺจโย: เหตุ สเหตุโก ธมฺโม เหตุสฺส สเหตุกสฺส จ นเหตุสฺส สเหตุกสฺส จ ธมฺมสฺส เหตุปจฺจเยน ปจฺจโย: ฯ

[๘] เหตุ สเหตุโก ธมฺโม เหตุสฺส สเหตุกสฺส ธมฺมสฺส อารมฺมณปจฺจเยน ปจฺจโย: เหตุ สเหตุโก ธมฺโม นเหตุสฺส สเหตุกสฺส ธมฺมสฺส อารมฺมณปจฺจเยน ปจฺจโย: เหตุ สเหตุโก ธมฺโม เหตุสฺส สเหตุกสฺส จ นเหตุสฺส สเหตุกสฺส จ ธมฺมสฺส อารมฺมณปจฺจเยน ปจฺจโย: ฯ นเหตุ สเหตุโก ธมฺโม นเหตุสฺส สเหตุกสฺส ธมฺมสฺส อารมฺมณปจฺจเยน ปจฺจโย: นเหตุ สเหตุโก ธมฺโม เหตุสฺส สเหตุกสฺส ธมฺมสฺส อารมฺมณปจฺจเยน ปจฺจโย: นเหตุ สเหตุโก ธมฺโม เหตุสฺส สเหตุกสฺส จ นเหตุสฺส สเหตุกสฺส จ ธมฺมสฺส อารมฺมณปจฺจเยน ปจฺจโย: ฯ เหตุ สเหตุโก จ นเหตุ สเหตุโก จ ธมฺมา เหตุสฺส สเหตุกสฺส ธมฺมสฺส อารมฺมณปจฺจเยน ปจฺจโย: เหตุ สเหตุโก จ นเหตุ สเหตุโก จ ธมฺมา นเหตุสฺส สเหตุกสฺส ธมฺมสฺส อารมฺมณปจฺจเยน ปจฺจโย: เหตุ สเหตุโก จ นเหตุ สเหตุโก จ ธมฺมา เหตุสฺส สเหตุกสฺส จ นเหตุสฺส สเหตุกสฺส จ ธมฺมสฺส อารมฺมณปจฺจเยน ปจฺจโย: ฯ

[๙] เหตุยา ตีณิ อารมฺมเณ นว อุปนิสฺสเย นว อวิคเต นว ฯ ยถา กุสลตฺติเก ปญฺหาวารํ เอวํ วิตฺถาเรตพฺพํ ฯ

[๑๐] เหตุํ อเหตุกํ ธมฺมํ ปฏิจฺจ นเหตุ อเหตุโก ธมฺโม อุปฺปชฺชติ เหตุปจฺจยา: ฯ นเหตุํ อเหตุกํ ธมฺมํ ปฏิจฺจ นเหตุ อเหตุโก ธมฺโม อุปฺปชฺชติ เหตุปจฺจยา: ฯ เหตุํ อเหตุกญฺจ นเหตุํ อเหตุกญฺจ ธมฺมํ ปฏิจฺจ นเหตุ อเหตุโก ธมฺโม อุปฺปชฺชติ เหตุปจฺจยา: ฯ

[๑๑] เหตุยา ตีณิ อารมฺมเณ เอกํ อวิคเต ตีณิ ฯ สหชาตวารมฺปิ สมฺปยุตฺตวารมฺปิ ปฏิจฺจวารสทิสํ ฯ

[๑๒] เหตุ อเหตุโก ธมฺโม นเหตุสฺส อเหตุกสฺส ธมฺมสฺส เหตุปจฺจเยน ปจฺจโย: ฯ

[๑๓] เหตุ อเหตุโก ธมฺโม เหตุสฺส อเหตุกสฺส ธมฺมสฺส อารมฺมณปจฺจเยน ปจฺจโย: เหตุ อเหตุโก ธมฺโม นเหตุสฺส อเหตุกสฺส ธมฺมสฺส อารมฺมณปจฺจเยน ปจฺจโย: ฯ นเหตุ อเหตุโก ธมฺโม นเหตุสฺส อเหตุกสฺส ธมฺมสฺส อารมฺมณปจฺจเยน ปจฺจโย: นเหตุ อเหตุโก ธมฺโม เหตุสฺส อเหตุกสฺส ธมฺมสฺส อารมฺมณปจฺจเยน ปจฺจโย: ฯ

[๑๔] เหตุยา เอกํ อารมฺมเณ จตฺตาริ อวิคเต จตฺตาริ ฯ ยถา กุสลตฺติเก ปญฺหาวารํ เอวํ วิตฺถาเรตพฺพํ ฯ เหตุทุกสเหตุกทุกํ นิฏฺฐิตํ ฯ __________ เหตุทุกเหตุสมฺปยุตฺตทุกํ