สัญโญชนทุกกุสลัตติกะ

[๑๒๑๘] โนสญฺโญชนํ กุสลํ ธมฺมํ ปฏิจฺจ โนสญฺโญชโน กุสโล ธมฺโม อุปฺปชฺชติ เหตุปจฺจยา: ฯ

[๑๒๑๙] เหตุยา เอกํ อารมฺมเณ เอกํ อวิคเต เอกํ ฯ สหชาตวาเรปิ ปญฺหาวาเรปิ สพฺพตฺถ เอกํ ฯ ______________ ปฏิจฺจวาโร

[๑๒๒๐] สญฺโญชนํ อกุสลํ ธมฺมํ ปฏิจฺจ สญฺโญชโน อกุสโล ธมฺโม อุปฺปชฺชติ เหตุปจฺจยา: สญฺโญชนํ อกุสลํ ธมฺมํ ปฏิจฺจ โนสญฺโญชโน อกุสโล ธมฺโม อุปฺปชฺชติ เหตุปจฺจยา: สญฺโญชนํ อกุสลํ ธมฺมํ ปฏิจฺจ สญฺโญชโน อกุสโล จ โนสญฺโญชโน อกุสโล จ ธมฺมา อุปฺปชฺชนฺติ เหตุปจฺจยา: ฯ

[๑๒๒๑] เหตุยา นว อารมฺมเณ นว อธิปติยา นว อวิคเต นว ฯ

[๑๒๒๒] นเหตุยา ตีณิ นอธิปติยา นว นวิปฺปยุตฺเต นว ฯ สหชาตวาโรปิ ฯเปฯ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ ปญฺหาวาโร

[๑๒๒๓] สญฺโญชโน อกุสโล ธมฺโม สญฺโญชนสฺส อกุสลสฺส ธมฺมสฺส เหตุปจฺจเยน ปจฺจโย: ฯ

[๑๒๒๔] เหตุยา ตีณิ อารมฺมเณ นว อธิปติยา นว อวิคเต นว ฯ

[๑๒๒๕] นเหตุยา นว นอารมฺมเณ นว ฯ

[๑๒๒๖] เหตุปจฺจยา นอารมฺมเณ ตีณิ ฯ

[๑๒๒๗] นเหตุปจฺจยา อารมฺมเณ นว ฯ ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ ______________ ปฏิจฺจวาโร

[๑๒๒๘] โนสญฺโญชนํ อพฺยากตํ ธมฺมํ ปฏิจฺจ โนสญฺโญชโน อพฺยากโต ธมฺโม อุปฺปชฺชติ เหตุปจฺจยา: ฯ

[๑๒๒๙] เหตุยา เอกํ อารมฺมเณ เอกํ อวิคเต เอกํ ฯ สหชาตวาเรปิ ปญฺหาวาเรปิ สพฺพตฺถ เอกํ ฯ สญฺโญชนทุกกุสลตฺติกํ นิฏฺฐิตํ ฯ ______________ สญฺโญชนิยทุกกุสลตฺติกํ ปฏิจฺจวาโร