อุปาทานสัมปยุตตทุกกุสลัตติกะ

Upādānavippayuttaṃ kusalaṃ dhammaṃ paṭicca upādānavippayutto kusalo dhammo uppajjati hetupaccayā:.

Hetuyā ekaṃ ārammaṇe ekaṃ avigate ekaṃ. Sahajātavārepi pañhāvārepi sabbattha ekaṃ. ----------- Paṭiccavāro

Upādānasampayuttaṃ akusalaṃ dhammaṃ paṭicca upādānasampayutto Akusalo dhammo uppajjati hetupaccayā: tīṇi . Upādānavippayuttaṃ akusalaṃ dhammaṃ paṭicca upādānavippayutto akusalo dhammo uppajjati hetupaccayā: dve . upādānasampayuttaṃ akusalañca upādānavippayuttaṃ akusalañca dhammaṃ paṭicca upādānasampayutto akusalo dhammo uppajjati hetupaccayā:.

Hetuyā cha ārammaṇe cha sabbattha cha avigate cha.

Nahetuyā ekaṃ naadhipatiyā cha nakamme cattāri navipāke cha. Sahajātavārādi vitthāretabbaṃ. Pañhāvāro

Upādānasampayutto akusalo dhammo upādānasampayuttassa akusalassa dhammassa hetupaccayena paccayo: tīṇi.

Hetuyā cha ārammaṇe nava . adhipatiyā nava: upādānasampayuttamūlake tīṇi sahajātādhipati upādānavippayutte ekaṃ . anantare nava samanantare nava sahajāte cha aññamaññe cha nissaye cha upanissaye nava āsevane nava kamme cattāri āhāre cattāri indriye cattāri jhāne cattāri magge cattāri sampayutte cha atthiyā cha natthiyā nava vigate nava avigate cha. -------- Paṭiccavāro

Upādānavippayuttaṃ abyākataṃ dhammaṃ paṭicca upādānavippayutto abyākato dhammo uppajjati hetupaccayā:.

Hetuyā ekaṃ ārammaṇe ekaṃ avigate ekaṃ. Sahajātavārepi pañhāvārepi sabbattha ekaṃ. Upādānasampayuttadukakusalattikaṃ niṭṭhitaṃ. ----------