ภาวนายปหาตัพพเหตุกทุกกุสลัตติกะ

Nabhāvanāyapahātabbahetukaṃ kusalaṃ dhammaṃ paṭicca nabhāvanāya- pahātabbahetuko kusalo dhammo uppajjati hetupaccayā:.

Hetuyā ekaṃ ārammaṇe ekaṃ avigate ekaṃ. Sahajātavārepi pañhāvārepi sabbattha ekaṃ.

Bhāvanāyapahātabbahetukaṃ akusalaṃ dhammaṃ paṭicca bhāvanāya- pahātabbahetuko akusalo dhammo uppajjati hetupaccayā:. Nabhāvanāya- pahātabbahetukaṃ akusalaṃ dhammaṃ paṭicca nabhāvanāyapahātabbahetuko akusalo dhammo uppajjati hetupaccayā:.

Hetuyā cattāri ārammaṇe cha avigate cha. Dassanenapahātabbahetukadukaakusalasadisaṃ. Sahajātavārepi pañhāvārepi sabbattha vitthāretabbaṃ.

Nabhāvanāyapahātabbahetukaṃ abyākataṃ dhammaṃ paṭicca nabhāvanāyapahātabbahetuko abyākato dhammo uppajjati hetupaccayā:.

Hetuyā ekaṃ ārammaṇe ekaṃ avigate ekaṃ. Sahajātavārepi pañhāvārepi sabbattha ekaṃ. Bhāvanāyapahātabbahetukadukakusalattikaṃ niṭṭhitaṃ. --------