นสเหตุกทุกนกุสลัตติกะ

TIPITAKA Volume 45 : PALI ROMAN Abhidhamma Pitaka Vol 12 : Abhi. Pa.(6) Paccanīya-Anulomapaccanīya-Paccanīyānulomapaṭṭhānaṃ Nasahetukadukanakusalattikaṃ

[245] Nasahetukaṃ nakusalaṃ dhammaṃ paṭicca nasahetuko nakusalo dhammo upapajjati hetupaccayā: vicikicchāsahagataṃ uddhaccasahagataṃ mohaṃ paṭicca cittasamuṭṭhānaṃ rūpaṃ ekaṃ mahābhūtaṃ paṭicca tayo mahābhūtā . nasahetukaṃ nakusalaṃ dhammaṃ paṭicca naahetuko nakusalo dhammo uppajjati hetupaccayā: vicikicchāsahagataṃ uddhaccasahagataṃ mohaṃ paṭicca sampayuttakā khandhā paṭisandhikkhaṇe vatthuṃ paṭicca sahetukā khandhā . nasahetukaṃ nakusalaṃ dhammaṃ paṭicca nasahetuko nakusalo ca naahetuko nakusalo ca dhammā uppajjanti hetupaccayā: tīṇi . naahetukaṃ nakusalaṃ dhammaṃ paṭicca naahetuko nakusalo dhammo uppajjati hetupaccayā: tīṇi . nasahetukaṃ nakusalañca naahetukaṃ nakusalañca dhammaṃ paṭicca nasahetuko nakusalo dhammo uppajjati hetupaccayā: tīṇi.