นเหตุทุกปิฏฐิทุกะ

นเหตุํ นทสฺสเนนปหาตพฺพํ ... นเหตุํ นนทสฺสเนนปหาตพฺพํ ... ฯ นเหตุํ นภาวนายปหาตพฺพํ ... นเหตุํ นนภาวนายปหาตพฺพํ ... ฯ นเหตุํ นทสฺสเนนปหาตพฺพเหตุกํ ธมฺมํ ปฏิจฺจ ... นเหตุํ นนทสฺสเนนปหาตพฺพเหตุกํ ธมฺมํ ปฏิจฺจ ... ฯ นเหตุํ นภาวนายปหาตพฺพเหตุกํ ธมฺมํ ปฏิจฺจ ... นเหตุํ นนภาวนายปหาตพฺพเหตุกํ ธมฺมํ ปฏิจฺจ ... ฯ นเหตุํ นสวิตกฺกํ ธมฺมํ ปฏิจฺจ ... นเหตุํ นอวิตกฺกํ ธมฺมํ ปฏิจฺจ ... ฯ นเหตุํ นสวิจารํ ... นเหตุํ นอวิจารํ ... ฯ นเหตุํ นสปฺปีติกํ ... นเหตุํ นอปฺปีติกํ ธมฺมํ ปฏิจฺจ ... ฯ นเหตุํ นปีติสหคตํ ... นเหตุํ นนปีติสหคตํ ... ฯ นเหตุํ นสุขสหคตํ ... นเหตุํ นนสุขสหคตํ ... ฯ นเหตุํ นอุเปกฺขาสหคตํ ... นเหตุํ นนอุเปกฺขาสหคตํ ... ฯ นเหตุํ นกามาวจรํ ... นเหตุํ นนกามาวจรํ ... ฯ นเหตุํ นรูปาวจรํ ... นเหตุํ นนรูปาวจรํ ... ฯ นเหตุํ นอรูปาวจรํ ... นเหตุํ นนอรูปาวจรํ ... ฯ นเหตุํ นปริยาปนฺนํ ... นเหตุํ นอปริยาปนฺนํ ... ฯ นเหตุํ นนิยฺยานิกํ ... นเหตุํ นอนิยฺยานิกํ ... ฯ นเหตุํ นนิยตํ ... นเหตุํ นอนิยตํ ... ฯ นเหตุํ นสอุตฺตรํ ... นเหตุํ นอนุตฺตรํ ... ฯ

นเหตุํ นสรณํ ธมฺมํ ปฏิจฺจ นเหตุ นสรโณ ธมฺโม อุปฺปชฺชติ เหตุปจฺจยา: นว ฯ นเหตุํ นอรณํ ธมฺมํ ปฏิจฺจ นเหตุ นอรโณ ธมฺโม อุปฺปชฺชติ เหตุปจฺจยา: นเหตุํ นอรณํ ธมฺมํ ปฏิจฺจ นนเหตุ นอรโณ ธมฺโม อุปฺปชฺชติ เหตุปจฺจยา: นเหตุํ นอรณํ ธมฺมํ ปฏิจฺจ นเหตุ นอรโณ จ นนเหตุ นอรโณ จ ธมฺมา อุปฺปชฺชนฺติ เหตุปจฺจยา: ฯ

นนเหตุํ นอรณํ ธมฺมํ ปฏิจฺจ นนเหตุ นอรโณ ธมฺโม อุปฺปชฺชติ เหตุปจฺจยา: นนเหตุํ นอรณํ ธมฺมํ ปฏิจฺจ นเหตุ นอรโณ ธมฺโม อุปฺปชฺชติ เหตุปจฺจยา: นนเหตุํ นอรณํ ธมฺมํ ปฏิจฺจ นเหตุ นอรโณ จ นนเหตุ นอรโณ จ ธมฺมา อุปฺปชฺชนฺติ เหตุปจฺจยา: ฯ

นเหตุํ นอรณญฺจ นนเหตุํ นอรณญฺจ ธมฺมํ ปฏิจฺจ นเหตุ นอรโณ ธมฺโม อุปฺปชฺชติ เหตุปจฺจยา: นเหตุํ นอรณญฺจ นนเหตุํ นอรณญฺจ ธมฺมํ ปฏิจฺจ นนเหตุ นอรโณ ธมฺโม อุปฺปชฺชติ เหตุปจฺจยา: นเหตุํ นอรณญฺจ นนเหตุํ นอรณญฺจ ธมฺมํ ปฏิจฺจ นเหตุ นอรโณ จ นนเหตุ นอรโณ จ ธมฺมา อุปฺปชฺชนฺติ เหตุปจฺจยา: ฯ

เหตุยา นว สพฺพตฺถ นว ฯ นสเหตุกทุกนเหตุทุกํ