กุสลัตติกสเหตุกทุกนกุสลัตติกนสเหตุกทุกะ

Kusalaṃ sahetukaṃ dhammaṃ paṭicca nakusalo nasahetuko dhammo uppajjati hetupaccayā: kusalaṃ sahetukaṃ dhammaṃ paṭicca naakusalo nasahetuko dhammo uppajjati hetupaccayā: kusalaṃ sahetukaṃ dhammaṃ paṭicca nakusalo nasahetuko ca naakusalo nasahetuko ca dhammā Uppajjanti hetupaccayā: tīṇi . akusalaṃ sahetukaṃ dhammaṃ paṭicca naakusalo nasahetuko dhammo uppajjati hetupaccayā: akusalaṃ sahetukaṃ dhammaṃ paṭicca nakusalo nasahetuko dhammo uppajjati hetupaccayā: akusalaṃ sahetukaṃ dhammaṃ paṭicca nakusalo nasahetuko ca naakusalo nasahetuko ca dhammā uppajjanti hetupaccayā: tīṇi . Abyākataṃ sahetukaṃ dhammaṃ paṭicca nakusalo nasahetuko dhammo uppajjati hetupaccayā: abyākataṃ sahetukaṃ dhammaṃ paṭicca naakusalo nasahetuko dhammo uppajjati hetupaccayā: abyākataṃ sahetukaṃ dhammaṃ paṭicca nakusalo nasahetuko ca naakusalo nasahetuko ca dhammā uppajjanti hetupaccayā: tīṇi.

Hetuyā nava ārammaṇe tīṇi avigate ekādasa. Sahajātavārampi sampayuttavārampi paṭiccavārasadisaṃ.

Kusalo sahetuko dhammo nakusalassa nasahetukassa dhammassa hetupaccayena paccayo: kusalo sahetuko dhammo naakusalassa nasahetukassa dhammassa hetupaccayena paccayo: kusalo sahetuko dhammo nakusalassa nasahetukassa ca naakusalassa nasahetukassa ca dhammassa hetupaccayena paccayo: tīṇi . akusalo sahetuko dhammo naakusalassa nasahetukassa dhammassa hetupaccayena paccayo: akusalo sahetuko dhammo nakusalassa nasahetukassa dhammassa hetupaccayena paccayo: akusalo sahetuko dhammo nakusalassa nasahetukassa ca Naakusalassa nasahetukassa ca dhammassa hetupaccayena paccayo: tīṇi . Abyākato sahetuko dhammo nakusalassa nasahetukassa dhammassa hetupaccayena paccayo: abyākato sahetuko dhammo naakusalassa nasahetukassa dhammassa hetupaccayena paccayo: abyākato sahetuko dhammo nakusalassa nasahetukassa ca naakusalassa nasahetukassa ca dhammassa hetupaccayena paccayo: tīṇi.

Hetuyā nava ārammaṇe paṇṇarasa .pe. Avigate ekādasa.

Akusalaṃ ahetukaṃ dhammaṃ paṭicca nakusalo naahetuko dhammo uppajjati hetupaccayā: akusalaṃ ahetukaṃ dhammaṃ paṭicca naabyākato naahetuko dhammo uppajjati hetupaccayā: akusalaṃ ahetukaṃ dhammaṃ paṭicca nakusalo naahetuko ca naabyākato naahetuko ca dhammā uppajjanti hetupaccayā: tīṇi . abyākataṃ ahetukaṃ dhammaṃ paṭicca nakusalo naahetuko dhammo uppajjati hetupaccayā: abyākataṃ ahetukaṃ dhammaṃ paṭicca naakusalo naahetuko dhammo uppajjati hetupaccayā: abyākataṃ ahetukaṃ dhammaṃ paṭicca nakusalo naahetuko ca naakusalo naahetuko ca dhammā uppajjanti hetupaccayā: tīṇi.

Hetuyā cha ārammaṇe cha avigate cha.