เรื่องสมาทานติตถิยมีวัตรเปลือยกายเป็นต้น

{371} Kusacīrādīsu akkanālanti akkanālamayaṃ. Potthakoti makacimayo vuccati. Sesāni paṭhamapārājikavaṇṇanāyaṃ vuttāni. Tesu potthakeyeva dukkaṭaṃ sesesu thullaccayāni. Akkadussakadali- dussa erakadussāni pana potthakagatikāneva. {372} Sabbanīlakādīni rajanaṃ Vametvā pana rajitvā dhāretabbāni. Na sakkā ce honti vametuṃ paccattharaṇāni vā kāretabbāni dvipaṭṭacīvarassa vā majjhe dātabbāni. Tesaṃ vaṇṇanānattaṃ upāhanāsu vuttanayameva. Acchinnadasa dīghadasāni dussāni dasāni chinditvā dhāretabbāni. Kañcukaṃ labhitvā phāletvā rajitvā paribhuñjituṃ vaṭṭati. Veṭhanepi eseva nayo. Tirīṭakaṃ pana rukkhachallimayaṃ taṃ pādapuñchanaṃ kātuṃ vaṭṭati.