มกโฏ กาฬสีโห จ สรโภ กทลีมิโค

เย จ วาฬมิคา เกจิ เตสํ จมฺมํ น วฏฺฏติ ฯ

ตตฺถ วาฬมิคาติ สีหพฺยคฺฆทีปิอจฺฉตรจฺฉา ฯ น เกวลญฺจ เอเตเยว เยสํ ปน จมฺมํ น วฏฺฏตีติ วุตฺตํ เต ฐเปตฺวา อวเสสา อนฺตมโส โคมหิสสสวิฬาราทโยปิ สพฺเพ อิมสฺมึ อตฺเถ วาฬมิคาเตฺวว เวทิตพฺพา ฯ เอเตสญฺหิ สพฺเพสํ จมฺมํ น วฏฺฏติ ฯ น ตาว ตํ คณนูปคํ ยาว น หตฺถํ คจฺฉตีติ ยาว อาหริตฺวา วา น ทินฺนํ ตุมฺหากํ ภนฺเต จีวรํ อุปฺปนฺนนฺติ ปหิณิตฺวา วา นาโรจิตํ ตาว คณนํ น อุเปติ ๑- อนธิฏฺฐิตํ วฏฺฏติ อธิฏฺฐาตพฺพคหณํ น อุเปตีติ อตฺโถ ๑- ฯ ยทา ปนาเนตฺวา วา ทินฺนํ โหติ ปหิณิตฺวา วา อาโรจิตํ อุปฺปนฺนนฺติ วา สุตํ ตโต ปฏฺฐาย ทสาหเมว ปริหารํ ลภตีติ ฯ

จมฺมกฺขนฺธกวณฺณนา นิฏฺฐิตา ฯ