{๔๐๕} ปุพฺพกรณํ กึนิทานนฺติอาทิปุจฺฉาวิสฺสชฺชนํ อุตฺตานเมว ฯ

{๔๐๖-๔๐๗} ปโยโค กึนิทาโนติอาทิปุจฺฉาทฺวยวิสฺสชฺชเนสุ ฯ เหตุนิทาโน ปจฺจยนิทาโนติ เอตฺถ ฉ จีวรานิ เหตุ เจว ปจฺจโย จาติ เวทิตพฺพานิ ฯ ปุพฺพปโยคาทีนํ หิ สพฺเพสํ ตานิเยว เหตุ ตานิ ปจฺจโย ฯ น หิ ฉพฺพิเธ จีวเร อสติ ปโยโค อตฺถิ น ปุพฺพกรณาทีนิ ตสฺมา ปโยโค เหตุนิทาโนติอาทิ วุตฺตํ ฯ

{๔๐๘} สงฺคหวาเร ฯ วจีเภเทนาติ อิมาย สงฺฆาฏิยา อิมินา อุตฺตรา- สงฺเคน อิมินา อนฺตรวาสเกน กฐินํ อตฺถรามีติ เอเตน วจีเภเทน ฯ

กติมูลาทิปุจฺฉาย วิสฺสชฺชเน ฯ กิริยา มชฺเฌติ ปจฺจุทฺธาโร เจว อธิฏฺฐานญฺจ ฯ