๓. สุภสูตร

Evamme sutaṃ ekaṃ samayaṃ bhagavā uruvelāyaṃ viharati najjā nerañjarāya tīre ajapālanigrodhe paṭhamābhisambuddho . tena kho pana samayena bhagavā rattandhakāratimisāyaṃ ajjhokāse nisinno hoti. Devo ca ekamekaṃ phusāyati.

Atha kho māro pāpimā bhagavato bhayaṃ chambhitattaṃ lomahaṃsaṃ uppādetukāmo yena bhagavā tenupasaṅkami upasaṅkamitvā bhagavato avidūre uccāvacā vaṇṇanibhā upadaṃseti subhā ceva asubhā ca.

Atha kho bhagavā māro ayaṃ pāpimā iti viditvā māraṃ pāpimantaṃ gāthāhi ajjhabhāsi saṃsāraṃ dīghamaddhānaṃ vaṇṇaṃ katvā subhāsubhaṃ alante tena pāpima nihato tvamasi antaka ye ca kāyena vācāya manasā ca susaṃvutā na te māravasānugā na te mārassa paccagūti 1- . Atha kho māro pāpimā .pe. Tatthevantaradhāyīti.