๙. เสลาสูตร

Sāvatthiyaṃ ... atha kho selā bhikkhunī pubbaṇhasamayaṃ nivāsetvā .pe. Aññatarasmiṃ rukkhamūle divāvihāraṃ nisīdi.

Atha kho māro pāpimā selāya bhikkhuniyā bhayaṃ .pe. @Footnote: 1 Po. Ma. Yu. kimiva. 2 Ma. Yu. pasīdanti te - ye. Selaṃ bhikkhuniṃ gāthāya ajjhabhāsi kenidaṃ pakataṃ bimbaṃ kvaci 1- bimbassa kārako kvaci 2- 3- bimbaṃ samuppannaṃ kvaci 4- bimbaṃ nirujjhatīti.

Atha kho selāya bhikkhuniyā etadahosi ko nu khvāyaṃ manusso vā amanusso vā gāthaṃ bhāsatīti . atha kho selāya bhikkhuniyā etadahosi māro kho ayaṃ pāpimā mama bhayaṃ chambhitattaṃ lomahaṃsaṃ uppādetukāmo samādhimhā cāvetukāmo gāthaṃ bhāsatīti . Atha kho selā bhikkhunī māro ayaṃ pāpimā iti viditvā māraṃ pāpimantaṃ gāthāhi ajjhabhāsi nayidaṃ pakataṃ 5- bimbaṃ nayidaṃ pakataṃ 6- aghaṃ hetuṃ paṭicca sambhūtaṃ hetubhaṅgā nirujjhati yathāpi aññataraṃ bījaṃ khette vuttaṃ virūhati paṭhavīrasañca āgamma sinehañca tadūbhayaṃ evaṃ khandhā ca dhātuyo cha ca āyatanā ime hetuṃ paṭicca sambhūtā hetubhaṅgā nirujjhareti. Atha kho māro pāpimā jānāti maṃ selā bhikkhunīti dukkhī dummano tatthevantaradhāyīti.