๑. อินทกสูตร
เล่มที่ ๑๕ · ข้อ ๘๐๑ · บรรทัด ๖๖๒๗
คัดจากพระไตรปิฎกบาลีอักษรโรมัน ฉบับสยามรัฐ ตัวบทจาก 84000.org
บาลีอักษรโรมัน ฉบับสยามรัฐ
[801]
Evamme sutaṃ ekaṃ samayaṃ bhagavā rājagahe viharati indakūṭe pabbate indakassa yakkhassa bhavane.
[802]
Atha kho indako yakkho yena bhagavā tenupasaṅkami upasaṅkamitvā bhagavantaṃ gāthāya ajjhabhāsi rūpaṃ na jīvanti vadanti buddhā kathaṃ nvayaṃ vindatimaṃ sarīraṃ kutassa aṭṭhīyakapiṇḍameti kathaṃ nvayaṃ sajjati gabbhasminti.
[803]
Paṭhamaṃ kalalaṃ hoti kalalā hoti abbudaṃ abbudā jāyate pesi pesi nibbattatī ghano ghanā pasākhā jāyanti kesā lomā nakhāpi ca yañcassa bhuñjati mātā annaṃ pānañca bhojanaṃ tena so tattha yāpeti mātukucchiggato naroti.
ที่มา: พระไตรปิฎกบาลีอักษรโรมัน ฉบับสยามรัฐ เล่มที่ ๑๕ ข้อ ๘๐๑ จาก 84000.org
รายงานข้อผิดพลาด