๑. กุกกุฬสูตร

Sāvatthī . rūpaṃ bhikkhave kukkuḷaṃ vedanā kukkuḷā saññā kukkuḷā saṅkhārā kukkuḷā viññāṇaṃ kukkuḷaṃ . evaṃ passaṃ bhikkhave sutavā ariyasāvako rūpasmiṃpi nibbindati vedanāyapi nibbindati saññāyapi nibbindati saṅkhāresupi nibbindati viññāṇasmiṃpi nibbindati nibbindaṃ virajjati virāgā vimuccati . vimuttasmiṃ vimuttamiti ñāṇaṃ hoti . khīṇā jāti vusitaṃ brahmacariyaṃ kataṃ karaṇīyaṃ nāparaṃ itthattāyāti pajānātīti.