๑๔. กุลปุตตสูตร ที่ ๔

สาวตฺถี ฯ สทฺธาปพฺพชิตสฺส ภิกฺขเว กุลปุตฺตสฺส อยมนุธมฺโม โหติ ยํ รูเป อนตฺตานุปสฺสี วิหเรยฺย เวทนาย ฯ สญฺญาย ฯ สงฺขาเรสุ ฯ วิญฺญาเณ อนตฺตานุปสฺสี วิหเรยฺย ฯ โส รูเป อนตฺตานุปสฺสี วิหรนฺโต เวทนาย ฯ สญฺญาย ฯ สงฺขาเรสุ ฯ วิญฺญาเณ อนตฺตานุปสฺสี วิหรนฺโต รูปํ ปริชานาติ เวทนํ ฯ สญฺญํ ฯ สงฺขาเร ฯ วิญฺญาณํ ปริชานาติ โส รูปํ ปริชานํ เวทนํ ฯ สญฺญํ ฯ สงฺขาเร ฯ วิญฺญาณํ ปริชานํ ปริมุจฺจติ รูปมฺหา ปริมุจฺจติ เวทนาย ปริมุจฺจติ สญฺญาย ปริมุจฺจติ สงฺขาเรหิ ปริมุจฺจติ วิญฺญาณมฺหา ปริมุจฺจติ ชาติยา ชราย ๑ มรเณน โสเกหิ ปริเทเวหิ ทุกฺเขหิ โทมนสฺเสหิ อุปายาเสหิ ปริมุจฺจติ ทุกฺขสฺมาติ วทามีติ ฯ กุกฺกุฬวคฺโค จตุตฺโถ ตสฺสุทฺทานํ กุกฺกุฬา ตโย อนิจฺเจน ทุกฺเขน อปเร ตโย อนตฺเตน ตโย วุตฺตา กุลปุตฺเตน เทฺว ทุกฺขาติ ฯ ______________ # ๑. โป. ยุ. ชราเมรเณน ฯ ขนฺธสํยุตฺตสฺส จุลฺลปณฺณาสเก ทิฏฺฐิวคฺโค ปญฺจโม