ปุพพารามสูตร ที่ ๔
เล่มที่ ๑๙ · ข้อ ๙๙๙ · บรรทัด ๕๘๔๗
คัดจากพระไตรปิฎกบาลีอักษรโรมัน ฉบับสยามรัฐ ตัวบทจาก 84000.org
บาลีอักษรโรมัน ฉบับสยามรัฐ
Taṃyeva nidānaṃ . katinaṃ nu kho bhikkhave indriyānaṃ bhāvitattā bahulīkatattā khīṇāsavo bhikkhu aññaṃ byākaroti khīṇā jāti vusitaṃ brahmacariyaṃ kataṃ karaṇīyaṃ nāparaṃ itthattāyāti pajānāmīti. Bhagavaṃmūlakā no bhante dhammā .pe.
Pañcannaṃ kho bhikkhave indriyānaṃ bhāvitattā bahulīkatattā khīṇāsavo bhikkhu aññaṃ byākaroti khīṇā jāti vusitaṃ brahmacariyaṃ kataṃ karaṇīyaṃ nāparaṃ itthattāyāti pajānāmīti.
Katamesaṃ pañcannaṃ . saddhindriyassa viriyindriyassa satindriyassa samādhindriyassa paññindriyassa.
Imesaṃ kho bhikkhave pañcannaṃ indriyānaṃ bhāvitattā bahulīkatattā khīṇāsavo bhikkhu aññaṃ byākaroti khīṇā jāti vusitaṃ brahmacariyaṃ kataṃ karaṇīyaṃ nāparaṃ itthattāyāti pajānāmīti.
ที่มา: พระไตรปิฎกบาลีอักษรโรมัน ฉบับสยามรัฐ เล่มที่ ๑๙ ข้อ ๙๙๙ จาก 84000.org
รายงานข้อผิดพลาด