กัณฏกีสูตร ที่ ๑

Ekaṃ samayaṃ āyasmā ca anuruddho āyasmā ca sārīputto āyasmā ca mahāmoggallāno sākete viharanti kaṇṭakīvane . @Footnote: 1 Ma. sabbattha sāraṇīyaṃ. 2 Ma. mahābhiññataṃ Yu. mahābhiññātaṃ. evamupari. Atha kho āyasmā ca sārīputto āyasmā ca mahāmoggallāno sāyaṇhasamayaṃ paṭisallānā vuṭṭhitā yenāyasmā anuruddho tenupasaṅkamiṃsu upasaṅkamitvā āyasmatā anuruddhena saddhiṃ sammodiṃsu sammodanīyaṃ kathaṃ sārāṇīyaṃ vītisāretvā ekamantaṃ nisīdiṃsu . Ekamantaṃ nisinno kho āyasmā sārīputto āyasmantaṃ anuruddhaṃ etadavoca sekkhenāvuso 1- anuruddha bhikkhunā katame dhammā upasampajja vihātabbāti.

Sekkhenāvuso sārīputta bhikkhunā cattāro satipaṭṭhānā upasampajja vihātabbā . katame cattāro . idhāvuso bhikkhu kāye kāyānupassī viharati . vedanāsu citte dhammesu dhammānupassī viharati ātāpī sampajāno satimā vineyya loke abhijjhādomanassaṃ . Sekkhenāvuso sārīputta bhikkhunā ime cattāro satipaṭṭhānā upasampajja vihātabbāti.