อัมพปาลิสูตร

Ekaṃ samayaṃ āyasmā ca anuruddho āyasmā ca sārīputto vesāliyaṃ viharanti ambapālivane . atha kho āyasmā sārīputto sāyaṇhasamayaṃ paṭisallānā vuṭṭhito .pe. ekamantaṃ nisinno kho āyasmā sārīputto āyasmantaṃ anuruddhaṃ etadavoca vippasannāni kho te āvuso anuruddha indriyāni parisuddho mukhavaṇṇo pariyodāto. Katamenāyasmā anuruddho vihārena etarahi bahulaṃ viharatīti.

Catūsu khvāhaṃ āvuso satipaṭṭhānesu sūpaṭṭhitacitto 4- etarahi bahulaṃ viharāmi . katamesu catūsu . idhāhaṃ āvuso kāye @Footnote: 1 Ma. Yu. taṃ. 2 Ma. Yu. taṃ vata. 3 Ma. itisaddo dissati. 4 Ma. @suppatiṭṭhitacitto. Kāyānupassī viharāmi ātāpī sampajāno satimā vineyya loke abhijjhādomanassaṃ . vedanāsu citte dhammesu dhammānupassī viharāmi ātāpī sampajāno satimā vineyya loke abhijjhādomanassaṃ . imesu khvāhaṃ āvuso catūsu satipaṭṭhānesu sūpaṭṭhitacitto etarahi bahulaṃ viharāmi . yo so āvuso bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaññojano sammadaññā vimutto so imesu catūsu satipaṭṭhānesu sūpaṭṭhitacitto bahulaṃ viharatīti. Lābhā [1]- no āvuso suladdhaṃ [2]- no āvuso ye mayaṃ āyasmato anuruddhassa sammukhāva assumha āsabhivācaṃ bhāsamānassāti.