อริยวสสูตร ที่ ๑

Dasayime bhikkhave ariyavāsā ye ariyā āvasiṃsu vā āvasanti vā āvasissanti vā katame dasa idha bhikkhave bhikkhu pañcaṅgavippahīno hoti chaḷaṅgasamannāgato ekārakkho caturāpasseno panuṇṇapaccekasacco samavayasaṭṭhesano anāvilasaṅkappo passaddhakāyasaṅkhāro suvimuttacitto suvimuttapañño ime kho bhikkhave dasa ariyavāsā ye ariyā āvasiṃsu vā āvasanti vā āvasissanti vāti.