๕. ชัมพุกเถรคาถา

|327.283| 5 Pañcapaññāsa vassāni rajojallamadhārayiṃ bhuñjanto māsikabhattaṃ kesamassuṃ alocayiṃ. |327.284| Ekapādena aṭṭhāsiṃ āsanaṃ parivajjayiṃ sukkhagūthāni ca khādiṃ uddesañca na sādiyiṃ. |327.285| Etādisaṃ karitvāna bahuṃ duggatigāminaṃ vuyhamāno mahoghena buddhaṃ saraṇamāgamaṃ. |327.286| Saraṇagamanaṃ passa passa dhammasudhammataṃ tisso vijjā anuppattā kataṃ buddhassa sāsananti. Jambuko thero.