๑๐. ยสทัตตเถรคาถา

|344.360| 10 Upārambhacitto dummedho suṇāti jinasāsanaṃ ārakā hoti saddhammā nabhaso paṭhavī yathā. |344.361| Upārambhacitto dummedho suṇāti jinasāsanaṃ parihāyati saddhammā kāḷapakkheva candimā. |344.362| Upārambhacitto dummedho suṇāti jinasāsanaṃ parisussati saddhamme maccho appodake yathā. |344.363| Upārambhacitto dummedho suṇāti jinasāsanaṃ na virūhati saddhamme khette bījaṃva pūtikaṃ. |344.364| Yo ca guttena 1- cittena suṇāti jinasāsanaṃ khepetvā āsave sabbe sacchikatvā akuppataṃ pappuyya paramaṃ santiṃ parinibbāti anāsavoti. Yasadatto thero.