๓. เขมาเถรีคาถา

|453.139| 3 Daharā tuvaṃ rūpavatī ahaṃpi daharo yuvā pañcaṅgikena turiyena ehi kheme ramāmase. |453.140| Iminā pūtikāyena āturena pabhaṅgunā aṭṭiyāmi harāyāmi kāmataṇhā samūhatā. |453.141| Sattisūlūpamā kāmā khandhāsaṃ adhikuṭṭanā yaṃ tvaṃ kāmaratiṃ brūsi arati dāni sā mamaṃ. |453.142| Sabbattha vihatā nandi tamokkhandho padālito evaṃ jānāhi pāpima nihato tvamasi antaka. |453.143| Nakkhattāni namassantā aggiṃ paricaraṃ vane yathābhuccamajānantā bālā suddhiṃ amaññatha. |453.144| Ahañca kho namassantī sambuddhaṃ purisuttamaṃ parimuttā 1- sabbadukkhehi satthusāsanakārikā. Khemā. @Footnote: 1 Po. Ma. pamuttā.