๘. วิชยาเถรีคาถา

|๔๕๘.๑๖๙| ๘ จตุกฺขตฺตุํ ปญฺจกฺขตฺตุํ วิหารา อุปนิกฺขมึ อลทฺธา เจตโส สนฺตึ จิตฺเต อวสวตฺตินี ฯ |๔๕๘.๑๗๐| ภิกฺขุนึ อุปสงฺกมฺม สกฺกจฺจํ ปริปุจฺฉหํ สา เม ธมฺมมเทเสสิ ธาตุอายตนานิ จ |๔๕๘.๑๗๑| จตฺตาริ อริยสจฺจานิ อินฺทฺริยานิ พลานิ จ โพชฺฌงฺคฏฺฐงฺคิกํ มคฺคํ อุตฺตมตฺถสฺส ปตฺติยา ฯ @เชิงอรรถ: ๑ ม. หิตฺวา ปุตฺตํ วิสุํ ปิยํ ฯ ๒ ม. ทิฏฺเฐว ธมฺเม ฯ |๔๕๘.๑๗๒| ตสฺสาหํ วจนํ สุตฺวา กโรนฺตี อนุสาสนึ รตฺติยา ปุริเม ยาเม ปุพฺพชาติมนุสฺสรึ |๔๕๘.๑๗๓| รตฺติยา มชฺฌิเม ยาเม ทิพฺพจกฺขุํ วิโสธยึ รตฺติยา ปจฺฉิเม ยาเม ตโมกฺขนฺธํ ปทาลยึ |๔๕๘.๑๗๔| ปีติสุเขน จ กายํ ผริตฺวา วิหรึ ตทา สตฺตมิยา ปาเท ปสาเรสึ ๑- ตโมกฺขนฺธํ ปทาลิย ฯ วิชยา ฯ ฉกฺกนิปาโต สมตฺโต ฯ ----------------