๘. กณเวรชาดก

ยนฺตํ วสนฺตสมเย กณเวเรสุ ภาณุสุ สามํ พาหาย ปีเฬสิ สา ตํ อาโรคฺยมพฺรวิ ฯ

อมฺโภ น กิร สทฺเธยฺยํ ยํ วาโต ปพฺพตํ วเห ปพฺพตญฺเจ วเห วาโต สพฺพมฺปิ ปฐวึ วเห ยตฺถ สามา กาลกตา สามํ อาโรคฺยมพฺรวิ ฯ

น เจว สา กาลกตา น จ สา อญฺญมิจฺฉติ เอกภตฺตา ๑ กิร สามา ตเมว อภิกงฺขติ ฯ

อสนฺถุตํ มํ จิรสนฺถุเตน นิมินิ สามา อธุวํ ธุเวน มยาปิ สามา นิมิเนยฺย อญฺญํ อิโต อหํ ทูรตรํ คมิสฺสนฺติ ฯ กณเวรชาตกํ อฏฺฐมํ ฯ