๑. โกกาลิกชาดก

Yo ve kāle asampatte ativelaṃ pabhāsati evaṃ so nihato seti kokilāyeva 2- atrajo.

Na hi satthaṃ sunisitaṃ visaṃ halāhalammiva 3- evaṃ nikkaḍhe 4- pāteti vācā dubbhāsitā yathā.

Tasmā kāle akāle ca 5- vācaṃ rakkheyya paṇḍito nātivelaṃ pabhāseyya api attasamamhi vā.

Yo ca kāle mitaṃ bhāse matipubbo vicakkhaṇo sabbe amitte ādeti supaṇṇo uragammivāti 6- . Kokālikajātakaṃ paṭhamaṃ.