๑๐. สุสันธีชาดก

Vāti gandho timirānaṃ kusamuddova 2- ghosavā dūre ito hi susandhī 3- tamba kāmā tudanti maṃ.

Kathaṃ samuddamatari kathaṃ addakkhi serumaṃ 4- kathaṃ tassā ca tuyhañca ahu agga 5- samāgamo.

Bharukacchā 6- payātānaṃ vāṇijānaṃ dhanesinaṃ maṅkarehi bhidā nāvā phalakena mahaṇṇavaṃ 7- .

Sā maṃ saṇhena mudunā niccaṃ candanagandhinī aṅgena 8- uddharī bhaddā mātā puttaṃva orasaṃ.

Sā maṃ annena pānena vatthena sayanena ca attanāpi ca mandakkhī evaṃ tamba vijānahīti. Susandhījātakaṃ dasamaṃ. Maṇikuṇḍalavaggo paṭhamo. --------- Tassuddānaṃ atha jinavaro haritaṃ tiṇako. @Footnote: 1 Ma. suyonandījātakaṃ. 2 Ma. ca. 3 Ma. suyonandhī. 4 Ma. sadumaṃ. @ 5 Ma. sagga. 6 Ma. kurukacchā. 7 Sī. makarehibbhidā .... Ma. makarehi abhidā nāvā @ phalakenāhamaplaviṃ. Yu. makarehi bhinnā .... 8 Sī. Yu. aṅkena. Atha bhinnalivo uragova ghaṭo dariyā puna kuñjara bhūnahatā miga puttamasaggavarena dasa.