๑๐. ปลาสชาดก

Haṃso palāsamavaca nigrodho samma jāyati aṅkasmiṃ te nisinnova so te mammāni chejjati 1- .

Vaḍḍhatāmeva nigrodho patiṭṭhassa bhavāmahaṃ yathā pitā ca mātā ca evameso 2- bhavissati.

Yaṃ tvaṃ aṅkasmiṃ vaḍḍhesi khīrarukkhaṃ bhayānakaṃ āmanta kho taṃ gacchāma vuḍḍhimassa na ruccati.

Idāni kho maṃ bhāyati 3- mahānerunidassanaṃ haṃsassa anabhiññāya mahā me bhayamāgataṃ.

Na tassa vuḍḍhi kusalappasatthā yo vaḍḍhamāno ghasate patiṭṭhaṃ tassūparodhaṃ parisaṅkamāno patārayī mūlavadhāya dhīroti. Palāsajātakaṃ dasamaṃ. Vaṇṇārohavaggo dutiyo 4- . ----------- @Footnote: 1 Ma. checchati. 2 Ma. evaṃ me so. 3 Ma. bhāyeti. 4 idha tassuddānaṃ @tatiyavaggāvasāne samohitaṃ.