๒. มิคโปตกชาดก

Agārā paccupetassa anāgārassa te sato samaṇassa na taṃ sādhu yaṃ petamanusocasi.

Saṃvāsena have sakka manussassa migassa vā @Footnote: 1 Yu. vaso. Hadaye jāyate pemaṃ na taṃ sakkā asocituṃ.

Mataṃ marissaṃ rodanti ye rudanti lapanti ca tasmā tvaṃ isi mā rodi roditaṃ moghamāhu santo.

Roditena have brahme mato peto samuṭṭhahe sabbe saṅgamma rodāma aññamaññassa ñātake.

Ādittaṃ vata maṃ santaṃ ghatasittaṃva pāvakaṃ vārinā viya osiñcaṃ sabbaṃ nibbāpaye daraṃ abbūḷhaṃ 1- vata me sallaṃ yamāsi hadayassitaṃ yo me sokaparetassa puttasokaṃ apānudi sohaṃ abbūḷhasallosmi vītasoko anāvilo na socāmi na rodāmi tava sutvāna vāsavāti. Migapotakajātakaṃ dutiyaṃ.