๕. อาสังกชาดก

Āsāvatī nāma latā jātā cittalatāvane tassā vassasahassena ekaṃ nibbattate phalaṃ.

Taṃ devā payirupāsanti tāva dūraphale sati 4- āsiṃseva 5- tuvaṃ rāja āsā phalavatī sukhā.

Āsiṃsatheva 6- so pakkhī āsiṃsatheva so dijo tassevāsā samijjhattha 7- tāva dūragatā sati āsiṃseva tuvaṃ rāja āsā phalavatī sukhā.

Sampesi kho maṃ vācāya na ca sampesi kammunā @Footnote: 1 Ma. nerūti. 2 Ma. vasatiṃ vase. Yu. vasa divase. 3 Ma. nare. 4 Ma. dūraphalaṃ satiṃ. @ 5 Ma. āsīseva. 6 Ma. āsīsatheva. evamuparipi. 7 Ma. tassa cāsā samijjhati. Mālā sereyyakasseva vaṇṇavantā agandhikā.

Aphalaṃ madhuraṃ vācaṃ yo mittesu pakubbati adadaṃ avissajaṃ bhogaṃ sandhi tenassa jīrati.

Yaṃ hi kayirā taṃ hi vade yaṃ na kayirā na taṃ vade akarontaṃ bhāsamānaṃ parijānanti paṇḍitā.

Balañca vata me khīṇaṃ pātheyyañca na vijjati saṅke pāṇūparodhāya handadāni vajāmahaṃ.

Etadeva hi me nāmaṃ yaṃ nāmasmiṃ rathesabha āgamehi mahārāja pitaraṃ āmantayāmahanti. Āsaṅkajātakaṃ pañcamaṃ.