๒. สูจิชาดก

อกกฺกสํ อผรุสํ ขรโธตํ สุปาสิยํ สุขุมํ ติขิณคฺคญฺจ โก สูจึ เกตุมิจฺฉติ ฯ

สุมชฺชญฺจ สุปาสญฺจ อนุปุพฺพสุวตฺติตํ ๕ ฆนฆาติมํ ปฏิตฺถทฺธํ โก สูจึ เกตุมิจฺฉติ ฯ

อิโตทานิ ปตายนฺติ สูจิโย พลิสานิ จ โกยํ กมฺมารคามสฺมึ สูจึ วิกฺเกตุมิจฺฉติ ฯ

อิโต สตฺถานิ คจฺฉนฺติ กมฺมนฺตา วิวิธา ปุถู โกยํ กมฺมารคามสฺมึ สูจึ วิกฺเกตุมรหติ ๖ ฯ #๑ ยุ. ภริยา ฯ ๒ ม. นเว ปิยมฺเมติ ฯ ๓ ม. ปรมา จ ฯ ๔ ม. โอจิตตฺเถน ฯ #๕ สี. อนุปุพฺพํ สุวฑฺฒิตํ ฯ ม. อนุปุพฺพํ สุวฏฺฏิตํ ฯ ๖ ม. วิกฺเกตุมิจฺฉติ ฯ

สูจิ ๑ กมฺมารคามสฺมึ วิกฺเกตพฺพา ปชานตา อาจริยา ปชานนฺติ ๒ กมฺมํ สุกตทุกฺกฏํ ฯ

อิมญฺจ ๓ เต ปิตา ภทฺเท สูจึ ชญฺญา มยา กตํ ตยา จ มํ นิมนฺเตยฺย ยญฺจตฺถญฺญํ ฆเร ธนนฺติ ฯ สูจิชาตกํ ทุติยํ ฯ