๑๒. ทสพราหมณชาดก

เล่มที่ ๒๗ · ข้อ ๒๐๐๑ · บรรทัด ๗๘๑๕เรื่องนี้ในคลังชาดก

คัดจากพระไตรปิฎกบาลีอักษรโรมัน ฉบับสยามรัฐ ตัวบทจาก 84000.org

แสดงฉบับคู่พรีวิว / พิมพ์ PDF โหมดอ่านต่อเนื่อง

บาลีอักษรโรมัน ฉบับสยามรัฐ

[2001]

Rājā avoca vidhūraṃ 1- dhammakāmo yudhiṭṭhilo. Brāhmaṇe vidhūra pariyesa sīlavante bahussute virate methunā dhammā ye me bhuñjeyyu bhojanaṃ dakkhiṇaṃ samma dassāma yattha dinnaṃ mahapphalaṃ.

[2002]

Dullabhā brāhmaṇā deva sīlavanto bahussutā viratā methunā dhammā ye te bhuñjeyyu bhojanaṃ. Dasa khalu mahārāja yā tā brāhmaṇajātiyo tesaṃ vibhaṅgavicayaṃ vitthārena suṇohi me. Pasibbake gahetvāna puṇṇe mūlassa saṃvute osadhikāye 2- ganthenti nhāpayanti 3- japanti ca. Tikicchakasamā rāja tepi vuccanti brāhmaṇā akkhātā te mahārāja tādise nipatāmase.

[2003]

Apetā te ca brāhmaññā (iti rājā ca 4- korabyo) na te vuccanti brāhmaṇā aññe vidhūra pariyesa sīlavante bahussute virate methunā dhammā ye me bhuñjeyyu bhojanaṃ dakkhiṇaṃ samma dassāma yattha dinnaṃ mahapphalaṃ.

[2004]

Kiṅkiṇiyo gahetvāna 5- ghosenti puratopi te pesanānipi gacchanti rathacariyāsu sikkhare. @Footnote: 1 Ma. vidhura. evamuparipi . 2 Ma. osadhikāyo. 3 Sī. Yu. nahāyanti. @ 4 Ma. sabbattha casaddo natthi . 5 Ma. kiṅkikikāyo gahetvā. Paricārikasamā rāja tepi vuccanti brāhmaṇā akkhātā te mahārāja tādise nipatāmase.

[2005]

Apetā te ca brāhmaññā (iti rājā ca korabyo) na te vuccanti brāhmaṇā aññe vidhūra pariyesa sīlavante bahussute virate methunā dhammā ye me bhuñjeyyu bhojanaṃ dakkhiṇaṃ samma dassāma yattha dinnaṃ mahapphalaṃ.

[2006]

Kamaṇḍaluṃ gahetvāna vaṅkadaṇḍañca 1- brāhmaṇā paccupessanti rājāno gāmesu nigamesu ca nādinne vuṭṭhahessāma gāmamhi nigamamhi 2- vā niggāhakasamā rāja tepi vuccanti brāhmaṇā akkhātā te mahārāja tādise nipatāmase.

[2007]

[2008]

Parūḷhakacchanakhalomā paṅkadantā rajassirā okiṇṇā rajareṇūhi yācakā vicaranti te @Footnote: 1 paṅkadaṇḍañcātipi pāṭho . 2 Ma. gāmamhi vā vanamhi vā. Sī. Yu. gāmamhi @ca vanamhi ca. Khāṇughātasamā rāja tepi vuccanti brāhmaṇā akkhātā te mahārāja tādise nipatāmase.

[2009]

[2010]

Harītakaṃ āmalakaṃ ambaṃ jambuṃ vibhedakaṃ 1- labujaṃ dantapoṇāni veluvā badarāni ca rājāyatanaṃ ucchupūṭaṃ dhūmanettaṃ madhuñjanaṃ uccāvacāni paṇīyāni vikīṇanti 2- janādhipa vāṇijakasamā rāja tepi vuccanti brāhmaṇā akkhātā te mahārāja tādise nipatāmase.

[2011]

[2012]

Kasivaṇijjaṃ 3- kārenti posayanti ajeḷake @Footnote: 1 Ma. vibhītakaṃ. Sī. Yu. ambajambuvibhīṭakaṃ . 2 Sī. Ma. vipaṇenti. @ 3 Ma. kāsivāṇijjaṃ. Sī. Yu. kāsiṃ vaṇijjaṃ. Kumāriyo pavecchanti vivāhantāvahanti ca samā ambaṭṭhavesehi tepi vuccanti brāhmaṇā akkhāte te mahārāja tādise nipatāmase.

[2013]

[2014]

Nikkhittabhikkhaṃ bhuñjanti gāmesveke purohitā bahū ne paripucchanti aṇḍacchedā nilañcakā 1- pasūpi tattha haññanti mahiṃsā sūkarā ajā goghātakasamā rāja tepi vuccanti brāhmaṇā akkhātā te mahārāja tādise nipatāmase.

[2015]

[2016]

Asicammaṃ gahetvāna khaggaṃ paggayha brāhmaṇā vessapathesu tiṭṭhanti satthaṃ abbāhayantipi @Footnote: 1 Ma. nilañchakā. Yu. tilañchakā. Samā gopanisādehi tepi vuccanti brāhmaṇā akkhātā te mahārāja tādise nipatāmase.

[2017]

[2018]

Araññe kuṭikaṃ katvā kūṭāni kārayanti te sasaviḷāre bādhenti āgodhā macchakacchapaṃ te luddakasamā rāja 1- tepi vuccanti brāhmaṇā akkhātā te mahārāja tādise nipatāmase.

[2019]

[2020]

Aññe dhanassa kāmā hi heṭṭhā mañce pasakkhitā 2- rājāno upari nhāyanti somayāge upaṭṭhite malamajjasamā 3- rāja tepi vuccanti brāhmaṇā akkhātā te mahārāja tādise nipatāmase. @Footnote: 1 Sī. Yu. luddakā te mahārāja . 2 Ma. pasakkitā . 3 malamajjana-malamajjaka-itipi.

[2021]

[2022]

Atthi kho brāhmaṇā deva sīlavanto bahussutā viratā methunā dhammā ye te bhuñjeyyu bhojanaṃ. Ekañca bhattaṃ bhuñjanti na ca majjaṃ pivanti te akkhātā te mahārāja tādise nipatāmase.

[2023]

Ete kho brāhmaṇā vidhūra sīlavanto bahussutā ete vidhūra pariyesa khippañca ne nimantayāti. Dasabrāhmaṇajātakaṃ dvādasamaṃ.

ที่มา: พระไตรปิฎกบาลีอักษรโรมัน ฉบับสยามรัฐ เล่มที่ ๒๗ ข้อ ๒๐๐๑ จาก 84000.org

รายงานข้อผิดพลาด

เปิดที่ต้นทางฉบับหลวง ฉบับมหาจุฬาฯ บาลีอักษรไทย PALI ROMAN อรรถกถา อรรถกถาบาลีอักษรไทย Atthakatha PaliRoman สารบัญเล่ม ฉบับต่าง ๆ ต่างกันอย่างไร