ขันติญาณปริโยคาหณญาณนิทเทส

Kathaṃ viditattā paññā khantiñāṇaṃ . rūpaṃ aniccato @Footnote: 1 Yu. ekasaṅgahatā. evamuparipi. Viditaṃ rūpaṃ dukkhato viditaṃ rūpaṃ anattato viditaṃ yaṃ yaṃ viditaṃ taṃ taṃ khamatīti viditattā paññā khantiñāṇaṃ vedanaṃ 1- saññaṃ saṅkhāre viññāṇaṃ cakkhuṃ .pe. jarāmaraṇaṃ aniccato viditaṃ jaramaraṇaṃ dukkhato viditaṃ jarāmaraṇaṃ anattato viditaṃ yaṃ yaṃ viditaṃ taṃ taṃ khamatīti viditattā paññā khantiñāṇaṃ taṃ ñātaṭṭhena ñāṇaṃ pajānanaṭṭhena paññā tena vuccati viditattā paññā khantiñāṇaṃ. ---------

Kathaṃ phuṭṭhattā paññā pariyogāhane 2- ñāṇaṃ . Rūpaṃ aniccato phusati rūpaṃ dukkhato phusati rūpaṃ anattato phusati yaṃ yaṃ phusati taṃ taṃ pariyogāhatīti phuṭṭhattā paññā pariyogāhane ñāṇaṃ vedanaṃ saññaṃ saṅkhāre viññāṇaṃ cakkhuṃ .pe. Jarāmaraṇaṃ aniccato phusati dukkhato phusati anattato phusati yaṃ yaṃ phusati taṃ taṃ pariyogāhatīti phuṭṭhattā paññā pariyogāhane ñāṇaṃ taṃ ñātaṭṭhena ñāṇaṃ pajānanaṭṭhena paññā tena vuccati phuṭṭhattā paññā pariyogāhane ñāṇaṃ. ---------