๔. เอกสัญญกเถราปทาน (๒๑๔)

|216.17| Dumagge paṃsukūlikaṃ laggaṃ disvāna satthuno añjaliṃ paggahetvāna paṃsukūlaṃ avandihaṃ. |216.18| Ekattiṃse ito kappe yaṃ saññamalabhiṃ tadā duggatiṃ nābhijānāmi buddhapūjāyidaṃ phalaṃ. |216.19| Pañcavīse ito kappe eko āsiṃ janādhipo amitābhoti nāmena cakkavatti mahabbalo. |216.20| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā ekasaññako thero imā gāthāyo abhāsitthāti. Ekasaññakattherassa apadānaṃ samattaṃ.