๘. ปรรณทายกเถราปทาน (๒๕๘)

|260.28| Pabbate himavantamhi vākacīradharo ahaṃ aloṇapaṇṇabhakkhomhi niyamesu ca saṃvuto. |260.29| Pātarāse anuppatte siddhattho upagañchi maṃ tāhaṃ buddhassa pādāsiṃ pasanno sehi pāṇihi. |260.30| Catunavute ito kappe yaṃ paṇṇamadadiṃ tadā duggatiṃ nābhijānāmi paṇṇadānassidaṃ phalaṃ. |260.31| Sattavīsamhi kappamhi rājā āsiṃ yadatthiyo 1- sattaratanasampanno cakkavatti mahabbalo. |260.32| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā paṇṇadāyako thero imā gāthāyo abhāsitthāti. Paṇṇadāyakattherassa apadānaṃ samattaṃ.