๖. สัมปสาทิกเถราปทาน (๓๐๖)

|๓๐๘.๒๔| นโม เต พุทฺธวีรตฺถุ วิปฺปมุตฺโตสิ สพฺพธิ พฺยสนมฺหิ อนุปฺปตฺโต ตสฺส เม สรณํ ภว ฯ |๓๐๘.๒๕| สิทฺธตฺโถ ตสฺส พฺยากาสิ โลเก อปฺปฏิปุคฺคโล มโหทธิสโม สงฺโฆ อปฺปเมยฺโย อนุตฺตโร ฯ |๓๐๘.๒๖| ตตฺถ ตฺวํ วิรเช เขตฺเต อนนฺตผลทายเก สงฺเฆ จิตฺตํ ปสาเทหิ ๑- สุวีชํ วาปิ โรปย ฯ |๓๐๘.๒๗| อิทํ วตฺวาน สพฺพญฺญู โลกเชฏฺโฐ นราสโภ มเมวํ ๒- อนุสาสิตฺวา เวหาสตลมุคฺคมิ ๓- ฯ |๓๐๘.๒๘| อจิรํ คตมตฺตมฺหิ ๔- สพฺพญฺญุมฺหิ นราสเภ มรณํ สมนุปฺปตฺโต ตุสิตํ อุปปชฺชหํ ฯ |๓๐๘.๒๙| ตทาหํ วิรเช เขตฺเต อนนฺตผลทายเก สงฺเฆ จิตฺตํ ปสาเทตฺวา กปฺปํ สคฺคมฺหิ โมทหํ ฯ |๓๐๘.๓๐| จตุนวุเต อิโต กปฺเป ปสาทมลภึ ตทา ทุคฺคตึ นาภิชานามิ ปสาทสฺส อิทํ ผลํ ฯ @เชิงอรรถ: ๑ ม. --- ปสาเทตฺวา สุพีชํ วาป โรปย ฯ @ ยุ. --- ปสาเทตฺวา สุขี พีชญฺจ --- ฯ @ ๒ ม. มเมว ฯ ๓ ม. ยุ. เวหาสํ นภมุคฺคมิ ฯ ๔ ยุ. คตมคฺคมฺหิ ฯ |๓๐๘.๓๑| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา สมฺปสาทิโก ๑- เถโร อิมา คาถาโย อภาสิตฺถาติ ฯ สมฺปสาทิกตฺเถรสฺส อปทานํ สมตฺตํ ฯ