๗. สัททสัญญกเถราปทาน (๓๑๗)

|๓๑๙.๓๔| สุทสฺสโน มหาวีโร เทเสติ อมตํ ปทํ ปริวุโต สาวเกหิ วสติ ฆรมุตฺตเม ฯ @เชิงอรรถ: ๑ โป. ยุ. ถวิสฺสํ ฯ ๒ ม. อตุลา ฯ ๓ โป. ยุ. อสฺสุ ฯ ๔ ม. อาสนสนฺถวิโก ฯ |๓๑๙.๓๕| ตาย วาจาย มธุราย สงฺคณฺหาติ มหาชนํ โฆโส จ วิปุโล อาสิ อาสิ ๑- โส เทวมานุเส ฯ |๓๑๙.๓๖| นิคฺโฆสสทฺทํ สุตฺวาน สิทฺธตฺถสฺส มเหสิโน สทฺเท จิตฺตํ ปสาเทตฺวา อวนฺทึ โลกนายกํ ฯ |๓๑๙.๓๗| จตุนวุเต อิโต กปฺเป ยํ สญฺญมลภึ ตทา ทุคฺคตึ นาภิชานามิ พุทฺธสญฺญายิทํ ผลํ ฯ |๓๑๙.๓๘| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา สทฺทสญฺญโก เถโร อิมา คาถาโย อภาสิตฺถาติ ฯ สทฺทสญฺญกตฺเถรสฺส อปทานํ สมตฺตํ ฯ