๑๐. กุมุทมาลิยเถราปทาน (๓๒๐)

|๓๒๒.๕๔| อุสภํ ปวรํ วีรํ มเหสึ วิชิตาวินํ วิปสฺสินํ มหาวีรํ อภิชาตํว เกสรึ ฯ |๓๒๒.๕๕| รถิยํ ปฏิปชฺชนฺตํ อาหุตีนํ ปฏิคฺคหํ คเหตฺวา กุมุทํ มาลํ พุทฺธเสฏฺฐํ สโมกิรึ ฯ |๓๒๒.๕๖| เอกนวุเต อิโต กปฺเป ยํ ปุปฺผมภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ |๓๒๒.๕๗| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา กุมุทมาลิโย เถโร อิมา คาถาโย อภาสิตฺถาติ ฯ กุมุทมาลิยตฺเถรสฺส อปทานํ สมตฺตํ ฯ อุทฺทานํ อารกฺขโท โภชนโท คตสญฺญี ปทุมิโก ปุปฺผาสนิ สนฺถวิโก สทฺทสญฺญี ติรํสิโย นาลิโก กุมุที เจว สตฺตปญฺญาส คาถกา ฯ อารกฺขทายกวคฺโค พตฺตึโส ฯ -----------