๑๐. โขมทายกเถราปทาน (๓๐)

|๓๒.๑๘๖| นคเร พนฺธุมติยา อโหสึ วาณิโช ตทา เตเนว ทารํ โปเสมิ โรเปมิ พีชสมฺปทํ ฯ |๓๒.๑๘๗| วีถิยํ ๑- ปฏิปนฺนสฺส วิปสฺสิสฺส มเหสิโน เอกํ โขมํ มยา ทินฺนํ กุสลตฺถาย สตฺถุโน ฯ |๓๒.๑๘๘| เอกนวุเต อิโต กปฺเป ยํ โขมํ อททึ ตทา ทุคฺคตึ นาภิชานามิ โขมทานสฺสิทํ ผลํ ฯ |๓๒.๑๘๙| สตฺตวีเส ๒- อิโต กปฺเป เอโก สินฺธวสนฺทโน สตฺตรตนสมฺปนฺโน จาตุทฺทีปมฺหิ อิสฺสโร ฯ @เชิงอรรถ: ๑ ม. ยุ. รถิยํ ฯ ๒ ม. สตฺตรเส ฯ |๓๒.๑๙๐| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา โขมทายโก เถโร อิมา คาถาโย อภาสิตฺถาติ ฯ โขมทายกตฺเถรสฺส อปทานํ สมตฺตํ ฯ อุทฺทานํ สุภูติ อุปวาโณ จ สรโณ สีลคาหโก อนฺนสํสาวโก ธูโป ปุฬิโน อุตฺติเยน จ ฯ อญฺชลี โขมทายี จ ทเสว ตติเย คเณ ปญฺจาสีติสตํ วุตฺตา คาถาโย สพฺพปิณฺฑิตา ฯ สุภูติวคฺโค ตติโย ฯ จตุตฺถํ ภาณวารํ ฯ ---------