๘. สลฬมัณฑปิยเถราปทาน (๓๙๘)

|400.453| Nibbute kakusandhamhi brāhmaṇamhi vusīmate gahetvā salaḷaṃ mālaṃ maṇḍapaṃ kārayiṃ ahaṃ. |400.454| Tāvatiṃsaṃ gato santo labhāmi byamhamuttamaṃ aññe deve abhibhomi 1- puññakammassidaṃ phalaṃ. |400.455| Divā vā yadivā rattiṃ caṅkamanto ṭhito cahaṃ channo salaḷapupphehi puññakammassidaṃ phalaṃ. |400.456| Imasmiṃyeva kappamhi yaṃ buddhamabhipūjayiṃ duggatiṃ nābhijānāmi buddhapūjāyidaṃ phalaṃ. @Footnote: 1 Ma. Yu. - tirocāmi. |400.457| Kilesā jhāpitā mayhaṃ bhavā sabbe samūhatā nāgova bandhanaṃ chetvā viharāmi anāsavo. |400.458| Svāgataṃ vata me āsi mama buddhassa santike tisso vijjā anuppattā kataṃ buddhassa sāsanaṃ. |400.459| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā salaḷamaṇḍapiyo thero imā gāthāyo abhāsitthāti. Salaḷamaṇḍapiyattherassa apadānaṃ samattaṃ.