๘. ปาฏลิปุปผิยเถราปทาน (๗๘)

|80.36| Suvaṇṇavaṇṇaṃ sambuddhaṃ gacchantaṃ antarāpaṇe kañcanagghiyasaṅkāsaṃ dvattiṃsavaralakkhaṇaṃ. |80.37| Seṭṭhiputto tadā āsiṃ sukhumālo sukhe ṭhito 1- ucchaṅge pāṭalīpupphaṃ katvā taṃ abhiropayiṃ. @Footnote: 1 Ma. sukhedhito. |80.38| Haṭṭho haṭṭhena cittena pupphehi abhipūjayiṃ tissaṃ lokaviduṃ nāthaṃ naradevaṃ namassihaṃ. |80.39| Dvenavute ito kappe yaṃ kammamakariṃ tadā duggatiṃ nābhijānāmi pupphapūjāyidaṃ phalaṃ. |80.40| Ito tesaṭṭhikappamhi abhisammatanāmako sattaratanasampanno cakkavatti mahabbalo. |80.41| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā pāṭalipupphiyo thero imā gāthāyo abhāsitthāti. Pāṭalipupphiyattherassa apadānaṃ samattaṃ.