๑. สาลกุสุมิยเถราปทาน

|51.1| Parinibbute bhagavati jalajuttamanāmake āropitamhi citake sālapupphaṃ apūjayiṃ. |51.2| Satasahasse ito kappe yaṃ pupphamabhipūjayiṃ duggatiṃ nābhijānāmi citapūjāyidaṃ phalaṃ. |51.3| Kilesā jhāpitā mayhaṃ bhavā sabbe samūhatā nāgova bandhanaṃ chetvā viharāmi anāsavo. |51.4| Svāgataṃ vata me āsi mama buddhassa santike tisso vijjā anuppattā kataṃ buddhassa sāsanaṃ. |51.5| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā sālakusumiyo thero imā gāthāyo abhāsitthāti. Sālakusumiyattherassa apadānaṃ samattaṃ.