๕. นาคปัลลวกเถราปทาน

|5.118| Nagare bandhumatiyā rājuyyāne vasāmahaṃ mama assamasāmantā nisīdi lokanāyako. |5.119| Nāgapallavamādāya buddhassa abhiropayiṃ pasannacitto sumano sugataṃ abhivādayiṃ. |5.120| Ekanavute ito kappe yaṃ pallavamabhipūjayiṃ duggatiṃ nābhijānāmi buddhapūjāyidaṃ phalaṃ. |5.121| Kilesā jhāpitā mayhaṃ bhavā sabbe samūhatā nāgova bandhanaṃ chetvā viharāmi anāsavo. |5.122| Svāgataṃ vata me āsi mama buddhassa santike tisso vijjā anuppattā kataṃ buddhassa sāsanaṃ. |5.123| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā nāgapallavako thero imā gāthāyo abhāsitthāti. Nāgapallavakattherassa apadānaṃ samattaṃ.